‏ރައީސް ޑރ. މުހައްމަދު މުއިއްޒު ދައްކަވަނީ އިސްކޮޅާ ނުބައްދަލު ވާހަކަ ކަމަށް ކުރީގެ ނައިބު ރައީސް ޑރ. މުހައްމަދު ޖަމީލު އަހުމަދު ވިދާޅުވެއްޖެއެވެ.

ޑރ. ޖަމީލު މިފަދައިން ވިދާޅުވެފައި ވަނީ އެކްސްގައި ކުރެއްވި ޓްވީޓެއްގައެވެ.

ރައީސް މުއިއްޒު ވަނީ އދ ގެ ސަލާމަތީ މަޖިލީހުގައި ތަގްރީރުކުރައްވާފައެވެ. އެ ތަގްރީރުގައި ސެކިއުރިޓީ ކަައުންސިލްގައި ވީޓޯގެ ބާރު އުވާލަން ރަައީސް މުއިއްޒު ގޮވާލައްވާފައިވެއެވެ

މި ވާހަކަތަކަށް އިޝާރާތް ކުރައްވާ ޑރ. ޖަމީލު ވިދާޅުވީ', ތައީސް މުއިއްޒުގެ ވާހަކަފުޅާ މެދު އަޖައިބުވެ އަންތަރީސްވެއްޖެކަމަށެވެ.

އެގޮތުން ވެނެޒުއޭލާ އަދި ކިއުބާ ފަދަ ޤައުމުތަކުގެ ރައީސުން ދައްކާ ޒާތުގެ ވާހަދައްކަން ރާއްޖެއަށް އޮތީ ކޮން ހައިސިއްޔަތެއްތޯ ސުވާލުކުރައްވާ ޑރ. ޖަމީލު ވަނީ, އިސްކޮޅާ ނުބައްދަލު ވާހަކަ ރައީސް މުއިއްޒު ދެއްކުމުން މުއްސަނދި އަދި ނިއުކްލިއަރ ބާރުތައް ބިރުން ސިހޭނެތޯ ވެސް ސުވާލު ކުރައްވާފައެވެ.

މީގެ އިތުރުން 5 ލައްކަ މީހުންނަށް ކާން ނުދެވިގެން، ނާށިގަނޑު ހިފައިގެން ސަލާން ޖަހަމުން ރައީސް މުއިއްޒު ގެންދަވާއިރު، މިޒާތު ވާހަކަ ދެއްކެވުމުން ރައީސް މުއިއްޒަކީ  ތަޞައްރަފު ނުފުދޭ މީހެއް ގޮތުގައި ގިނަ ބަޔަކު ދެކޭނެ ކަމަށެވެ. އަދި އދ. ގެ ސެކިއުރިޓީ ކައުންސިލްގެ މެމްބަރުން ތިބޭނީ ހޭންކަމަށް ވެސް ޑރ. ޖަމީލު ވަނީ ވިދާޅުވެފައެވެ.