ޕްރޮސެކިއުޓަރ ޖެނެރަލް ހުސެއިން ޝަމީމަށް ބަޔަކު ހަމަލާދީފިއެވެ.
މިކަމާ ގުޅިގެން މައުލޫމާތު ހާމަކުރައްވަމުން ފުލުހުންގެ އިދާރާއިން ބުނެފައިވަނީ ޕީޖީ ޝަމީމަށް ހަމަލާދީފައިވަނީ މިއަދު ހެނދުނުގެ ވަގުތެއްގައި ކަމަށާ ހަމަލާ ދިފައިވަނީ ތޫނު ހަތިޔާރެއް ބޭނުންކޮށްގެން ކަމަށެވެ.
ޝަމީމަށް ދިން ހަމަލާތަކާއި ގުޅިގެން ދަނީ އޭޑީކޭ ހޮސްޕިޓަލުގައި ފަރުވާ ހޯދަމުންނެވެ. މި ހަމަލާގައި ޝަމީމުގެ އަތަށް ވަނީ ޒަޚަމްތަކެއް ލިބިފައެވެ.
ޕީޖީގެ މީޑީޔާ އޮފިސަރ އަލްއުސްތާޛު އަހުމަދު ޝަފީއު ޗެނަލް13އަށް މައުލޫމާތު ދެއްވަމުން ވިދާޅުވީ، ޕީޖީގެ ހާލު މިހާރު ރަގަޅު ކަމަށާ ނަމަވެސް އަދި އޮންނެވީ ހޮސްޕިޓަލުގައި ކަމަށެވެ. ހަމަލާ ދީފައިވަނީ ސައިކަލެއްގައި އައި ދެމީހަކު ކަމަށްވެސް ޝަފީއު މައުލޫމާތު ދެއްވިއެވެ.
