ރާއްޖެއަަަށް މަސްތުވާތަކެތި އެތެރެ ކުރި މެލޭޝިއާ ދެ މީހުން ޝަރީއަތް ނިމެންދެން ބަންދު ކުރަން ކްރިމިނަލް ކޯޓުން އަމުރުކޮށްފި އެވެ.

މި މައްސަލައާ ގުޅިގެން ހައްޔަރުކޮށްފައި ވަނީ 44 އަހަރުގެ މެލޭޝިއާ ފިރިހެނަކާއި 41 އަހަރުގެ މެލޭޝިއާ ފިރިހެނެކެވެ.

އެ ދެ މީހުންގެ ބަންދަށް ކޯޓުން އެންމެ ފުރަތަމަ ޖެހީ 30 ދުވަހެވެ. މަސްތުވަތެކެތި ފެނިފައި ވަަނީ އެމީހުންގެ ލަގެޖުންނެވެ.

މި މައްސަލައިގެ ހެކީގެ ގޮތުގައި ކަސްޓަމްސް އޮފިސަރުންގެ ބަޔާނާއި، ފުލުހުންގެ ބަޔާނާއި، މޯބައިލް ފޮރެންސިކް ރިޕޯޓާއި މަސްތުވާތަކެތީގެ ތަހުލީލު ރިޕޯޓް ވަނީ ހުށަހަޅާފައެވެ.

މި މައްސަލަ މިހާރު ޕީޖީ އޮފީހަށް ފޮނުވާފައެވެ.