އަދުގެ ސަރުކާރުގެ އިސްވެރިންގެ މަގްސަދުތައް ހާސިލުކުރުމަށް ދިވެހިންނަށް ވިހަ ބޯން ނުދިނުމަށް ކުރިގެ ކޮމިޝަނަރ އޮފް ޕޮލިސް ހުސެއިން ވަހިދު ދިވެހި ސަރުކާރަށް ގޮވާލައްވައިފިއެވެ.

ހުސެއިން މިފަދަ މޭރުމަކުން ގޮވާލެއްވީ ރޭ ޕީއެންއެފުން ބޭއްވި ޖަލްސާގައި ވާހަކަ ދައްކަަވަމުންނެވެ.

ހުސެއިން ވިދާޅުވީ، މި ދިޔަ ފަސް އަހަރު ގައުމުގެ ކަންކަން ގޯހުން ގޯހަށް ދިޔައީ ނުކިޔަވާ ހުރި މީހަކު ވެރިކަމަށް އަރުވައިގެން ކަމަށް ގިނަ ބަޔަކު ދެކުނު ކަމަށާ ނަމަވެސް މިއަދު ކިޔަވައިގެން އިލްމު އުނގެނިގެން ހުރި މީހަކު ވެރިކަމާ ހަވާލުމުން ފެންނަމުން ދަނީ މިދިޔަ ފަސް އަހަރަށް ވުރެ ހާސްބައި ގޯސް ވެރިކަމެއް ކަމަށެވެ.

ހުސެއިން ވިދާޅުވީ ވެރިކަމަށް އައީ އިންޑިއާ ސިފައިން ބޭލުމުގެ ވައުދާ އެގްރިމަންޓުތައް ހާމަކުރާނެ ވައުދާ އެކު ނަމަވެސް މިހާރު ފެންނަމުން ދަނި ގައުމު ހިންގަން ނޭނގުމުން އެކަންކަން އުނބަށް ޖައްސަވާ ރައީސް މުއިއްޒު ކުރިން ބުނި އެއްޗެއްހި ކެންސަލްކޮށް އިންޑިއާ ފައި ބުޑަށް ވެއްޓޭ މަންޒަރު ކަމަށެވެ