އަދުގެ ސަރުކާރުގެ އިސްވެރިންގެ މަގްސަދުތައް ހާސިލުކުރުމަށް ދިވެހިންނަށް ވިހަ ބޯން ނުދިނުމަށް ކުރިގެ ކޮމިޝަނަރ އޮފް ޕޮލިސް ހުސެއިން ވަހިދު ދިވެހި ސަރުކާރަށް ގޮވާލައްވައިފިއެވެ.
ހުސެއިން މިފަދަ މޭރުމަކުން ގޮވާލެއްވީ ރޭ ޕީއެންއެފުން ބޭއްވި ޖަލްސާގައި ވާހަކަ ދައްކަަވަމުންނެވެ.
ހުސެއިން ވިދާޅުވީ، މި ދިޔަ ފަސް އަހަރު ގައުމުގެ ކަންކަން ގޯހުން ގޯހަށް ދިޔައީ ނުކިޔަވާ ހުރި މީހަކު ވެރިކަމަށް އަރުވައިގެން ކަމަށް ގިނަ ބަޔަކު ދެކުނު ކަމަށާ ނަމަވެސް މިއަދު ކިޔަވައިގެން އިލްމު އުނގެނިގެން ހުރި މީހަކު ވެރިކަމާ ހަވާލުމުން ފެންނަމުން ދަނީ މިދިޔަ ފަސް އަހަރަށް ވުރެ ހާސްބައި ގޯސް ވެރިކަމެއް ކަމަށެވެ.
ތިބޭފުޅުން ތި ހާސިލް ކުރަން ބޭނުންވާ ކަންކަން ހާސިކުރުމުގެ ނަތީޖާގަ އޭގެ ވިހަ ބޯން ދިވެހި ރައްޔިތުންނަށް ނުޖައްސާށޭ. ދިވެހި ރައްޔިތުން މިއަދު މިދަނީ އިހުނަށް ވުރެ ބޮޑަށް މިދިޔަ ފަސްއަހަރަށް ވުރެ ބޮޑަށް ހިތި އަރުތެރޭގައި ލާވަރަށް ކަންކަން ބަދަލުވަމުންނޭ. މިއަދު އަޅުގަޑުމެން ލަދު ގަނޭ ޑރ. މުއިއްޒޭ ކިޔަން. އަޅުަގޑުމެން މިއަދު ހިތަށް އަރާ މީގެ ކުރިން ވިއްޔާ ޕީޕީއެމް ޕީއެންސީގެ ތެރޭގައި ހުރިހާ އެންމެން ކަހަލަ ގޮތަކަށް ދެއްކި އެއް ވާހަކައަކީ އިބްރާހިމު މުހައްމަދު ސޯލިހުއަކީ ނުކިޔަވާ ހުރި މީހެކޭ. އަޅުގަޑުމެންނަށް ކިޔައިވައިގެން ހުރި ޕީއެޗްޑީ ހަދައިގެން ހުރި މީހަކު އައިމަ އަޅުގަޑުމެންނަށް މި ސިފަވަނީ އިބްރާހިމު މުހައްމަދު ސޯލިހަށްވުރެ މުއިއްޒުގެ ހާލަތު މާބޮޑުތަން ދަށޭ. މާގޯހޭ. އަޅުގަޑުމެން މާ ބޮޑަށް ލަދުގަނެއޭ.
ހުސެއިން
ހުސެއިން ވިދާޅުވީ ވެރިކަމަށް އައީ އިންޑިއާ ސިފައިން ބޭލުމުގެ ވައުދާ އެގްރިމަންޓުތައް ހާމަކުރާނެ ވައުދާ އެކު ނަމަވެސް މިހާރު ފެންނަމުން ދަނި ގައުމު ހިންގަން ނޭނގުމުން އެކަންކަން އުނބަށް ޖައްސަވާ ރައީސް މުއިއްޒު ކުރިން ބުނި އެއްޗެއްހި ކެންސަލްކޮށް އިންޑިއާ ފައި ބުޑަށް ވެއްޓޭ މަންޒަރު ކަމަށެވެ
