ބޭރުގައި ކިޔަވާ ކުދިންނަށް ކޮންމެ މަހެއްގެ މައްޗަށް ނެގޭ ޑޮލަރުގެ އަދަދު މިއަަހަރުގެ ފެބްރުއަރީ މަހުން ފެށިގެން މަތި ކުރުމަށް ސަރުކާރުން ނިންމާފައިވާ ގޮތަށް 1200 ޑޮލަރަށް ލިމިޓު މަތި ނުކުރެވޭނެކަމަށް އޮންލައިން ނޫހެއްކަމަށްވާ "އަދަދު"އަށް ވަނީ މައުލޫމާތު ލިބިފައެވެ.
ކެބިނެޓުން މިދިޔަ އަހަރުގެ ޑިސެމްބަރު މަހު ބޭއްވި ބޭއްވި ބައްދަލުވުމެއްގައި ވަނީ ކިޔަވާ ކުދިންނަށް މިހާރު ނެގޭ 750 ޑޮލަރު ބޮޑުކުރަން ނިންމާފައެވެ.
އަދަދު ނޫހަށް އިތުބާރު ހުރި މަސްދަރުތަކުން މައުލޫމާތު ދީފައިވާ ގޮތުގައި ރައީސް ޑރ. މުހައްމަދު މުއިއްޒުގެ ވައުދާ އެއްގޮތަށް މާދަމާއިން ފެށިގެން ޑޮލަރު ލިމިޓު ބޮޑު ނުކުރެވޭނެ ކަމަށް ބޭންކް އޮފް މޯލްޑިވްސް (ބީއެމްއެލް) އިން ވަނީ ސަރުކާރަށް އަންގާފަ އެވެ.
އެހެންނަމަވެސް ބޭންކުން މިކަމާ ގުޅޭގޮތުން ރަސްމީ ބަހެއް ދީފާއިނުވެއެވެ.
ބީއެމްއެލްއަށް ޑޮލަރު ތާށިކަން ހައްލުނުވަނީސް ކިޔަވާ ކުދިންނަށް ޑޮލަރު ނެގޭ ލިމިޓު މަތިނުކުރެވޭނެ ކަމަށް މައުލޫމާތުވަނީ ލިބިފައެވެ.
ސަރުކާރުން މި ނިންމުން ނިންމާފައިވަނީ ބީއެމްއެލްގެ ލަފާއެއް ނެތިކަން ފާހަގަކޮށްލެވެއެވެ.
