ދުނިޔޭގެ އެންމެ ބޮޑު ޝިޕިންލައިން ކަމަށްވާ މެޑިޓެރޭނިއަން ޝިޕިން ކޮމްޕެނީ (އެމްއެސްސީ)ގެ ދަތުރުތައް ރާއްޖެއަށް ފަށައިފިކަމަށް ސަރުކާރުން މެޑަލް ޖަހަމުންދާއިރު އެކަމުގެ ތެރޭގައި ބޮޑު އޮޅުވާލުންތަކެއް ހިމެނޭކަން ހިމެނޭކަންހާމަވެއްޖެއެވެ.

އެމްއެސްސީ އިން ރާއްޖެއަށް އައި ފުރަތަމަ ބޯޓު ކަމަށްވާ "މަނާސާ އެފް" ވަނީ އާދިއްތަ ދުވަހު މާލޭގައި ބަނދަރުކުރުމުން ބޯޓަށް މަރުހަބާ ކިއުމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ވަނީ ވޯޓަރ ސެލިއުޓްއެއް ވެސް ދީފައެވެ.

ނަމަވެސް އެ ބޯޓު ބަނދަރުކުރި ވަގުތު ޕޯރޓުގައި ޖާގަ ނެތުމުން އެމްޕީއެލްއިން އަމަލުކޮށްފައިވަނީ ރާއްޖެއަށް ގެއްލުން ވާ ގޮތަށްކަމަށް "ތޭރަ އޮންލައިން"އަށް މައުލޫމާތު ދީފައިވެއެވެ. އެގޮތުން އެމްއެސްސީގެ ބޯޓު، "މަނާސާ އެފް" ރާއްޖެއަށް ބަނދަރު ކުރި ވަގުތު ޕޯރޓުގައި ޖާގަ ނެތުމުން، ޕީއާރު ސްޓަންޓު ނުޖެއްސިދާނެތީ، ޕޯރޓުގައި އޮތް އެސްޓީއޯގެ ދަށުން ހިންގާ ސަބް ކުންފުނި އެމްއެސްއެސްގެ "ބެރިއަރ" ބޯޓު ބަނދަރުން ދުރުކުރުމަށް ފަހު އެމްއެސްސީގެ ބޯޓަށް ޖާގަ ދީފައިވާ ކަމަށާ އަދި އެކަމުގެ ސަބަބުން ކުރަންވާ ހޭދަ އެމްޕިއެލްގެ ބަޖެޓުން ކޮށްފައިވާ ކަމަށްވެސް މައުލޫމާތޫ ލިބިފައިވެއެވެ. ނަމަވެސް މިއީ އިގްތިސޯދީ ކާރިސާއަކާ ގައުމު ކުރިމަތިލާފައިވާ ދަނޑިވަޅެއްގައި ދައުލަތުގެ ފައިސާ ބޭކާރު ގޮތުގައި ބޭނުންކުރުން ކަމަށް "ތޭރަ އޮންލައިން" މައުލޫމާތު ދިން ފަރާތުން ފާހަގަކޮށްފައިވެއެވެ.

މީގެ އިތުރުން ބޯޓުގެ ކެޕޭސިޓިއާ ގުޅޭ ގޮތުން ވެސް ހާމަކޮށްފައިވަނީ ދޮގު މައުލޫމާތުކަން "ތޭރަ އޮންލައިން"އަށް މައުލޫމާތު ލިބިފައިވެއެވެ. އެގޮތުން ސެންޗޫރިއަންގެ ކެޕްޓަން މާނު ދެއްވި އިންޓަރވިއުގައި މި ބޯޓުން ރާއްޖެއަށް 1000 ކޮންޓެއިނަރ ގެނައި ކަމަށް ވިދާޅުވި ނަމަވެސް އެ ބޯޓުން ރާއްޖެ ގެނެސްފައިވަނީ 535 ކޮންޓެއިނަރ ކަމަށް ވަނީ މައުޅުމާތު ލިބިފައެވެ. އަދި މީގެ ފަހުން އެ ބޯޓު ރާއްޖެ އަންނާނެކަމަށް ނުވެސް ބެލެވޭ ކަމަށާ މިއީ ހަމައެކަނި ފޮޓޯއަކަށް ކުރި ކަމެއްކަމަށް ވެސް ވަނީ މައުލޫމާތު ލިބިފައެވެ.

ހަމަ އެހެންމެ ބަންކަރިންއަށް ގެނައި ބޯޓުތަކުގެ ކެޕޭސިޓީވެސް ވަނީ އޮޅުވާލާފައި ކަމަށާ އެގޮތުން 4000 ޓަންސްގެ ކެޕޭސިޓީ ހުންނާނެ ކަމަށް ބުނި ނަމަވެސް އެ ބޯޓުގައި ހުރީ 2000 ޓަންސްގެ ކެޕޭސިޓީ ކަމަށް ބޯޓުގެ މައުލޫމާތު އެނގޭ ފަރާތަކުން ވަނި މައުލޫމާތު ދީފައެވެ. އަދި އެއީ ދެ ބައި ކޮށްފައި އެއްބައި އަދަދެއް ކަމަށާ އެހެންކަމުން ސަރުކާރުން ރައްޔިތުންނަށް ބޮޑެތި އޮޅުވާލުން އޮޅޫވާލަމުން ދާކަމަށް މި މައުލޫމާތުތައް "ތޭރަ އޮންލައިން"އާ ހިއްސާ ކުރި ފަރާތުން ވަނީ ބުނެފައެވެ. އެގޮތުން ސަރުކާރުން މެޑަލް ޖެހުމަށް ކުޅެމުންދަނީ ޑްރާމާތަކެއް ކަމަށާ ސަރުކާރުން އެ ބުނާ މިންވަރަށް މިކަންކަމުގެ ސަބަބުން އިގްތިސޯދު ކުރި ނާރާނެ ކަމަށް ވެސް އެ ފަރާތުން ވަނީ މައުލޫމާތު ދީފައެވެ.

މީގެ އިތުރުން އެމްއެސްސީގެ ރާއްޖޭގެ އެޖެންޓަކީ ސެންޗޫރިއަން ކަމަށްވާއިރު އެ ކުންފުންޏަކީ ދައުލަތަށް ޓެކްސް ނުދައްކައިގެން ބްލެކް ލިސްޓުކޮށްފައިވާ ކުންފުންޏެއްކަންވެސް ވަނީ ފާހަގަވެފައެވެ.