ރާއްޖޭގައި ގާއިމްވެފައި ތިބި އިންޑިޔާގެ ސިފައިން ބޭލުމަށްޓަކައި ކުރިޔަށް ގެންދިޔަ "އިންޑިޔާ އައުޓް" ކެމްޕެއިނަކީ މި ސަރުކާރުގެ މަތިފަޑީގެ ވިސްނުމެއް ނޫން ކަމަށް ރީޖަނަލް އެއާޕޯޓް ކޮމްޕެނީ (އާރްއޭސީ)ގެ މެނޭޖިން ޑިރެކްޓަރު އަހުމަދު މުބީން ވިދާޅުވެއްޖެ އެވެ.

މުބީންގެ ޓީވީ "މެންދުރު" ގެ ޕްރޮގްރާމެއްގައި ވާހަކަދައްކަވަމުން މުބީން ވިދާޅުވީ އަދި އިންޑިއާ އައުޓް ކެމްޕޭނަކީ ޕީ.އެން.ސީ އާއި ރައީސް ޑރ މުހައްމަދު މުޢިއްޒުގެ ސަރުކާރުގެ މަތިފަޑީގައި ތިއްބެވި ބޭފުޅުންގެ ވިސްނުމެއް ނޫންކަމަށެވެ.

މުބީން ވިދާޅުވީ ރާއްޖޭގައި ގާއިމްވެފައި ތިބި އިންޑިޔާގެ ސިފައިން ފޮނުވާލުމަށްޓަކައި ކުރިޔަށްގެންދިޔަ އިންޑިޔާ އައުޓް ކެމްޕޭނަކީ ވަކި ބޭފުޅެއްގެ ފިލޯސަފީއެއްކަމަށެވެ. އެއީ ރައީސް އަބްދުﷲ ޔާމީން އަބްދުލްގައްޔޫމްގެ ފިލޯސަފީކަމަށެވެ. މުބީން މިފަދައިން ވިދާޅުވުމުން ދޭހަވެގެންދިޔައީ އިންޑިޔާއިން ލިބެން ހުރި އެއްޗެއް ނުލިބިދާނެތީ ކުރިން ބުނި އެތި ކެންސަލްކޮށްލިކަމެވެ.

މި ސަރުކާރުން ވެރިކަމަށް އައީ ރާއްޖޭގައި ގާއިމްވެފައި ތިބި އިންޑިޔާގެ އަސްކަރިއްޔާ މިގައުމުން ބާލާނެކަމުގެ ވައުދާއެކުގައެވެ. އެހެންނަމަވެސް މިހާރު ފެނިގެންދަނީ ވައުދާ ހިލާފްވެ އިންޑިޔާގެ ފައިބުޑަށް ވެއްޓި ސަލާންޖަހަމުންދާ މަންޒަރެވެ.