ޚަރަދު ކުޑަކުރުމުގެ ނަމުގައި 228 ސިޔާސީ މުވައްޒަފުން ވަކި ކުރަން ރައީސް ޑރ މުހައްމަދު މުއިއްޒު ނިންމެވުމާއެކު ޕީއެންއެފްގެ ސެކެޓްެރީ ޖެނެރަލް މުހައްމަދު މަލީހް ޖަމާލް ފާޑުވިދާޅުވެއްޖެއެވެ.

228 ސިޔާސީ މުވައްޒަފުން ވަކިކުރާނެކަމަށް އިއުލާނުކޮށް ރައީސް މުއިއްޒު އެކްސްގައި ކުރެއްވި ޕޯސްޓްގެ ސްކްރީންޝޮޓެއް އެކްސްގައި ހިއްސާކުރެއްވުމަށްފަހު މަލީހް ވިދާޅުވީ ހަރަދު ކުޑަކުރަން ރައީސް މުއިއްޒަށް ވަރަށް ބައިވަރު ކަންކަން ކުރެވެން އެބައޮތްކަމަށެވެ.

އެގޮތުން މަލީހް ވިދާޅުވީ މަޖިލިސް ރައީސް އަދުރޭ މުރާާދޫގޭގައި ހުންނަން ނުޖެހޭކަމަށެވެ. މުރައިދޫގޭގައި އުޅުމުގެ ބަދަލުގައި އަދުރޭ އޭނާގެ އަމިއްލަ ގޭގައި ދިރިއުޅުނީމަ 4 މިލިއަން ސޭވް ވެގެންދާނެ ކަމަށް ވެސް މަލީހް ވަނީ އެކްސްގައި ހިއްސާކުރައްވާފައެވެ.

އޭގެއިތުރުން ރައީސް މުއިއްޒު ގުރޫޕުޖަހާފަ އާރަށަށް ދާ ދިއުންވެސް ހުއްޓާލަންޖެހޭކަމަށެެވެ.މަޖިލިސް ކެއުން ހުއްޓުވަންޖެހޭ ކަމަށާއި މޯލްޑިވްސް ޕޯޓްސް ލިމިޓެޑް (އެމްޕީއެލް) ތެރެއިން ކުރާ ވައްކަންތައް ވެސް ހުއްޓުވަންޖެހޭ ކަމަށް މަލީހް ވިދާޅުވިއެވެ.

ރަސްމާލެ އަކީ މި ސަރުކާރުގެ އެންމެ ބިޔަ ބޮޑު މަޝްރޫއުކަމަށްވާއިރު، އެތަން ހިއްކުމުގައިވެސް ކޮރަޕްޝަން ހިންގާ ދައުލަތުގެ ބަޖެޓުން ޚަރަދުތަކެއެް ކުރަމުންގެންދާނީ މަލީހް ވަނީ އެކަން ވެސް ހުއްޓާލުމަށް ޕޯސްޓްގައި ގޮވާލާފައެވެ.

ޚަރަދު ކުޑަކުރުމުގެ ނަމުގައި ސަރުކާރުން ކަންކަން ކުރަން ނިންމާއިރު އެއްވެސް ކަމެއް މިހާތަނަށް ކުރެވިފައިނުވާތީ ގިނަ ބަޔަކު އަންނަނީ ސަރުކާރަށް ފާޑުކިޔަމުންނެވެ.