މޯލްޑިވްސް ޕޯސްޓް ލިމިޓެޑުގެ ސީނިއާ ފަސް މުވައްޒަފުން އެ ކުންފުނީގައި ހިންގާ ކަމަށް ތުހުމަތު ކުރެވޭ ކޮރަޕްޝަންގެ ސީރިއަސް މައްސަލަތަކެއް އެންޓި ކޮރަޕްޝަން ކޮމިޝަން (އޭސީސީ) އަށް ހުށަހަޅައިފި އެވެ.
ކޮރަޕްޝަންގެ އަމަލު ހިންގި ކަމަށް ތުހުމަތު ކުރެވޭ މީހުންތެރޭގައި ފަސް މީހުން ހިމެނެއެވެ.
ޕޯސްޓުގެ ވެރިންނަށް ތުހުމަތުކޮށްފައިވާ ކަންކަން:
- ވަޒީފާތަކަށް މުވައްޒަފުން ނެގުމުގައި، މާކްޝީޓްތަކަށް ބަދަލުތައް ގެނެސް ބައެއް ވެރިންގެ މަސްލަހަތު ހުރި މުވައްޒަފުންނަށް ވަޒީފާ ދިނުން
- ވަކި މީހަކު ނެގުމަށް ކޮމްޕެނީ ސެކްރެޓަރީގެ މަގާމަށް އިއުލާން ކުރުން.
- ބޯޑު ބައްދަލުވުންތައް ހުއްޓާލުމަށްފަހު، ކުންފުނީގެ މައްޗަށް އަހުމަދު ޝަފީގުގެ މަސްލަހަތު އިސްކުރުން.
- ޕީސީބީގެ ސާކިއުލާއާ ހިލާފަށް މުވައްޒަފުން ނެގުމަށް އިއުލާން ކުރަމުން ދިޔުން.
- ބައެއް ވެރިންގެ މަސްލަހަތު އެކުލެވޭ ގޮތަށް ހާޒިރީއަށް ބަދަލު ގެނައުން.
- ވަކި ބަޔަކަށް ވިޔަފާރި ކޮށްދިނުމަށް ވެލާނާ އިންޓަނޭޝަނަލް އެއާޕޯޓުގައި ގާއިމު ކޮށްފައިވާ ޕޯސްޓް ޝޮޕްގައި މުދާ ބަހައްޓައިގެން ވިއްކައި ދިނުން.
- މެއިލް އޮޕަރޭޝަން ޑިވިޝަންގެ މުވައްޒަފުން އޮފީހަށް ފޯނު ވެއްދުން މަނާ ކުރުން.
- އަންދާސީ ހިސާބު ހޯދައިގެން ކުރެވޭ މަސައްކަތްތައް ވެސް ސިންގަލް ސޯސް ކޮށްގެން ކުރަން އިސްކަން ދިނުން.
- އެގްޒެކެޓިވް ޑިރެކްޓަރު މުހައްމަދު އަހުމަދުގެ ވިިޔަފާރީގެ މަސްލަހަތު ހިމެނޭ ގޮތަށް އީ-ޓުކުރި ޕްލަސްގެ ނަމުގައި ހިދުމަތެއް ތައާރަފް ކުރަން މަސައްކަތް ފެށުން.
މިކަމާ ގުޅިގެން އޭސީސީގެ ބަހެއް އަދި ލިބިފައިނުވެއެވެ.
