އދ ގެ 79 ވަނަ އާންމު މަޖިލީހުގައި ތަގުރީރުކުރެއްވުމަށް ވަޑައިގެން ރައީސް ޑރ މުހައްމަދު މުއިއްޒު ފިލްމު ކުޅުއްވި ކަމަށް ބުނެ ޕީއެންއެފްގެ ސެކެޓްރީ ޖެނެރަލް މުހައްމަދު މަލީހް ޖަމާލް ފާޑުވިދާޅުވެއްެޖެ އެވެ.

މަލީހް މިފަދައިން ވިދާޅުވެފައި ވަނީ އެކްސްގައި ކުރެއްވި ޕޯސްޓެއްގައެވެ.

އެގޮތުން މަލީހް ވިދާޅުވީ އދ ގައި ބައިވެރިވުމުގެ ނަމުގައި ރައީސް މުއިއްޒު އެމެރިކާއަށް ވަޑައިގެން، ދިވެހިންގެ ބައިތުލްމާލުން 10 މިލިއަން ރުފިޔާ ވަނީ ހަރަދުކޮށްފައިކަމަށެވެ.

މަލީހް އިތުރަށް ވިދާޅުވީ އދ އަށް ކުރެއްވި ދަތުރުފުޅު ނިންމާލައްވާފައި ރާއްޖެ އެނބުރި ވަޑައިގަތީ ޒުވާނުންނަށް ދިށްކޮށްލާނެ މެޓައެއްހާ މިންވަރު ނުގެނެސް ހުސް އަތާކަމަށެވެ. އެމަނިކުފާނުގެ އދ ގެ ދަތުރުން ދިވެހިންނަށް ވި އެއްވެސް ފައިދާއެއް ނެތްކަމަށް ވެސް މަލީހް ވަނީ ވިދާޅުވެފައެވެ.

އދ އަށް ކުރެއްވި ދަތުރުފުޅުގައި ރައީސް މުއިއްޒު އުޅުއްވީ ފިލްމު ކުޅެންކަމަށާއި އެކަން ވަރަށް ޖޯކުކަމަށް ވިދާޅުވެ މަލީހް ވަނީ ވަރަށް ބޮޑަށް ފާޑުވިދާޅުވެފައެވެ.