ސަރުކާރަށް ފާޑުކިޔާތީ ކަމަށް ބުނެ ރޯޑް ޑިވެލޮޕްމަންޓު ކޯޕަރޭޝަން (އާރުޑީސީ)ގެ މުވައްޒަފެއްގެ މައްސަލަ ބަލަން ފަށައިފިއެވެ.
އެ ކުންފުންޏަށާ އަދި ސަރުކާރަށް ވެސް ސޯޝަލްމީޑިއާގައި ފާޑުކިޔާތީ ކަމަށް ބުނެ ބަލަން ފަށަފައިވަނީ އެ ކުންފުނީގެ މުވައްޒަފެއް ކަމަށްވާ ހުސައިން ސާލިމްގެ މައްސަލައެކެވެ.
އެގޮތުން އާރުޑީސީގެ ހިއުމަން ރިސޯސް ޑިޕާޓުމެންޓުން ސާލިމްއަށް ފޮނުވި އެންގުމެއްގައިވަނީ ސާލިމް، ތަކުރާރުކޮށް ސަރުކާރަށް ނިސްބަތްކޮށް ސޯޝަލް މީޑިއާގައި ބޭއަދަބީ ބަހުން މުހާތަބު ކުރަމުންދާކަމަށާ އަދި ސަރުކާރަށް ފާޑު ކިޔުމަކީ ކުންފުންޏަށް ބަލައިގަނެވޭނެ ކަމެއް ނޫން ކަމަށް ބުނެފައެވެ.
އެހެންކަމުން މިފަދަ އަމަލުތަކަކީ ކޯޕަރޭޝަނުން ބަލައި ގަނެވޭނެ އަމަލެއް ނޫންކަމަށް ބުނެ ވަނީ އެ މައްސަލަ ބަލައިދިނުމަށް ހިއުމަން ރިސޯސް ޑިޕާޓުމެންޓުން ކޮމިޓީއަށް ހުށަހަޅައިފަ އެވެ." ސާލިމްއަށް ފޮނުވި ސިޓީގައި ބުނެފައިވެއެވެ.
މިމަހުގެ 13 ގައި ފޮނުވާފައިވާ، މި މަހު 16ގެ ކުރިން ޖަވާބުދާރީ ވުމަށް ސާމިހުއަށް ވަނީ އަންގާފައެވެ. އެ މުއްދަތުގައި ޖަވާބުދާރީ ނުވެއްޖެނަމަ އެއީ ޖަވާބުދާރީވުމަށް ދިން ފުރުސަތުގެ ބޭނުން ނުކުރުން ކަމަށް ބެލެވޭނެ ކަމަށް ވެސް ބުނެފައިވެއެވެ.
ސަރުކާރަށް ފާޑުކިޔާ މުވައްޒަފުންނާ މެދު ސިޔާސީ ގޮތުން ފިޔަވަޅު އަޅަމުން ގެންދާއިރު ރައީސް މުހައްމަދު މުއިއްޒު ކުރިން ވިދާޅުވެފައިވަނީ މިއީ ފާޑުކިޔުންތައް ބަލައިގަންނަން އެނގޭނެ ކެރޭނެ ސަރުކާރަކަށްވާނެ ކަމަށް ސަރުކާރެއް ކަމަށެވެ.
