އިލެކްޝަންސް ކޮމިޝަން (އީސީ) އަދި އެންޓި ކޮރަޕްޝަން ކޮމިޝަން (އޭސީސީ) ގެ ރައީސް އައްޔަންކުރުމުގެ ބާރު ރައީސަށް ދެއްވުމަށް ރައްޔިތުންގެ މަޖިލީހަށް ބިލެއް ވެއްދުމުން ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދު ފާޑު ވިދާޅުވެއްޖެ އެވެ.
ޑރ ޖަމީލް މިފަދައިން ވިދާޅުވެފައި ވަނީ އެކްސްގައި ކުރެއްވި ޕޯސްޓެއްގައެވެ.
އެގޮތުން ގާނޫނީ ގޮތުން ބާރުތައް ވަކިކޮށްފައިވަނީ ސަބަބަކަށްޓަކައިކަމަށާ ވެރިކަމުގައި ތިބޭނީ ސިޔާސީ ޕާޓީތަކުންކަމަށް ޑރ ޖަމީލް ވަނީ ވިދާޅުވެފައެވެ.
މިނިވަން މުއައްސަސާތަކާއި، އެންމެންގެ ޙައްގުތައް ކަށަވަރު ކުރުމަށްޓަކައި ހަރަކާތްތެރިވާ ފަރާތަށް ސިޔާސީ ގޮތުން ނުފޫޒު ފޯރުވުމަކީ ޢައިރު ދުސްތޫރީކަމެއް ކަމަށް ވިދާޅުވެ ޑރ ޖަމީލް ވަނީ ފާޑުވިދާޅުވެފަ އެވެ.
ރައީސުލްޖުމްހޫރިއްޔާއަކީ އެންމެ ވާދަވެރި ސިޔާސީ ފަރާތްކަމަށާ ރައީސްގެ މުށުތެރެއަށް ބާރުތައް ޖަމާކުރުމުން މުޅި ޑިމޮކްރެޓިކް ނިޒާމު ފުނޑި ފަހަތަށް ސޮއްސާލާނެކަމަށް ވެސް ޑރ ޖަމީލްގެ ޕޯސްޓްގައި ވަނީ ވިދާޅުވެފައެވެ.
މިހާރުވެސް ފެންނަނީ ގާނޫނު ނަގަހައްޓަން ޖެހޭ ހޯމް މިނިސްޓްރީފަދަ ވުޒާރާތައް ޢައިރުގާނޫނީ ސިޔާސީ ޙަރަކާތުގައި މަގާމާއި ދައުލަތުގެ ވަސީލަތްތައް ބޭނުންކުރާ މަންޒަރުކަމަށް ވިދާޅުވެ ޑރ ޖަމީލް ވަނީ ވަރަށް ބޮޑަށް ނުރުހުން ފާޅު ކުރައްވާފައެވެ.
