ހަރަދު ކުޑަކުރަން ފިޔަވަޅުތަކެއް އަޅަން ނިންމާފައި ވަނިކޮށް ރައީސް ޑރ.މުހައްމަދު މުއިއްޒުގެ އަނބިކަނބަލުން ސާޖިދާ މުހައްމަދު ޓެންޒެނިޔާއަށް ކުރައްވާ ރަސްމީ ދަތުރުފުޅާއި ގުޅިގެން ޕީއެންއެފްގެ ޖެނެރަލް ސެކްރަޓަރީ ޖެނެރަލް މުހައްމަދު މަލީހް ޖަމާލް ވިދާޅުވެއްޖެއެވެ.

މަލީހް އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ ދައުލަތުގެ ފައިސާ ނަހަމަ ގޮތުގައި މިފަދަ ދަތުރުތަކަށް ހޭދަކުރުމަކީ ގާނޫން އެއްވެސް ގޮތަކަށް ހުއްދަ ކުރާ ކަމެއް ނޫން ކަމުގައެވެ.

މީގެ އިތުރުން، މިއީ ދައުލަތުގެ ފައިސާއަށް ޚިޔާނާތްތެރިވުން ކަމަށާއި މިއީ ދައުލަތުގެ ފައިސާ ނުހައްގުން ބޭނުންކުރަން ސަރުކާރުން ފަށާ އާ ސިލްސިލާ ސިޔާސަތެއްގެ ގޮތުގައި މަލީހް ވަނީ ސިފަކުރައްވާފައެވެ.

މި ދަތުރާއި ގުޅޭ އިތުރު މައުލޫމާތު ރައީސް އޮފީހުން ހޯއްދެވުމަށް “ތޭރަ އޮންލައިން” އިން ކުރި މަސައްކަތަށް ރައީސް އޮފީހުން އެދެވޭ ޖަވާބެއް ދީފައިނުވެއެވެ.