ރައީސް ޑރ. މުހައްމަދު މުއިއްޒަށް 2028 ގެ ވެރިކަން ޔަގީންކަމަށް ޕީއެންސީ ޕީޖީ ގުރޫޕްގެ ލީޑަރ އަދި އިނގުރައިދޫ ދާއިރާގެ މެމްބަރު އިބްރާހިމް ފަލާހް ބުނުމުން ރައްޔިތުން ޖޯކު ޖަހަން ފަށައިފިއެވެ.
ޕީއެންސީ މެމްބަރޝިޕް ޑްރައިވްގެ ނަމުގައި އައީޑީ ކާޑް ޑިޕާޓްމަންޓުން ރައްޔިތުންގެ ޒާތީ މައޫލޫމާތު ނަގައިގެން ސޮއި ފޯޖުކޮށްގެން ދެ ދުވަސް ތެރޭ ވެރިކަން ކުރާ މައި ޕާޓީ ޕީއެންސީއާ 10،000 މީހުން ގުޅިއްޖެކަމަށް ފަލާހް ވަނީ ވިދާޅުވެފައެވެ.
ޕީއެންސީއާ މީހުން ގުޅޭކަމަށް ދައްކާ ރައްޔިތުންގެ ސަމާލުކަން ހޯދުމަށް ފަލާހް މިފަދައިން ވިދާޅުވި ވާހަކަ ނޫހެއްގައި ޝާއިއުކޮށްފައި ވަނިކޮށް އެ ޚަބަރަށް ފޭސްބުކްގައި ގިނަ ބަޔަކު ވަނީ ޖޯކު ޖަހާފައެވެ.
ޕީއެންސީ މެމްބަރޝިޕް ޑްރައިވްގެ ނަމުގައި ރައްޔިތުންގެ ޒާތީ މައުލޫމާތު ބޭނުންކޮށްގެން ސޮއި ފޯޖްކޮށްގެން ސަރުކާރުގެ ސިޔާސީ މަގާމްތަކުގައި ތިބޭ ފަރާތްތަކުން ފޯމްތައް ފުރާ ހަވާލުކުރަމުންދާއިރު އަނެއްކޮޅުން ޕީއެންސީގެ ބައެއް ބޭފުޅުން އަންނަނީ ވަޒީފާގެ ބިރު ދައްކަމުންނެވެ.
ޕީއެންސީން ހިންގަމުންދާ މި ޖަރީމާ ތަހުގީގުކުރިމަށް ކަމާބެހޭ ފަރާތްތަކަށް ސިޔާސީ ޕާޓީތަކުންނާ އަމިއްލަ ފަރުދުންތަކެއް ވަނީ މީސްމީޑިޔާގައި ގޮވާލާފައެވެ.
