ސަރުކާރުގެ މަސްކުންފުނި މިފްކޯއިން މަސްވެރިންނަށް ނުދީ ހުރި 16 މިލިއަން ރުފިޔާ މާދަމާ ދޫކުރާނެ ކަމަށް ފިޝަރީޒް މިނިސްޓަރު އަހުމަދު ޝިޔާމް ވިދާޅުވެއްޖެ އެވެ.

ޝިޔާމް މިފަދައިން ވިދާޅުވެފައި ވަނީ ރައްޔިތުންގެ މަޖިލީހުގެ މެންބަރަކު މިއަދު ސުވާލުކުރުމަށް ހާޒިރުކުރުމުން މަޖިލީހުގައި ވާހަކަދައްކަވަމުންނެވެ.

އެގޮތުން އޭނާ ވިދާޅުވީ މިހާރު ނުދެވި އޮތް ފައިސާ މިއަދު ފިނޭންސް މިނިސްޓްރީން މިފްކޯއަށް ދޫކުރާނެ ކަމަށެވެ. މިހާރު ނުދެވި އޮތީ ޖުމްލަ 16.2 މިލިއަން ރުފިޔާ ކަމަށް ވެސް މިނިސްޓަރު ޝިޔާމް ވިދާޅުވި އެވެ.

ދާދިފަހުން މިފްކޯ އިން ވަނީ މަސްވެރިންނަށް ދޭންޖެހޭ ފައިސާ ދެވޭނެ ގޮތެއް އަދި ހަމަޖެހިފައި ނުވާކަމަށެވެ. އެހެންކަމުން "ތޭރަ އޮންލައިން" އަށް މައުލޫމާތު ލިބުނުގޮތުގައި މި ފައިސާ ސަރުކާރުން ހަމަކޮށްފައި ވަނީ މަސްވެރިން މުޒާހަރާއަށް ނިކުމެދާނެކަމުގެ ބިރު އޮތުމުންނެވެ.

މި ސަރުކާރު ވެރިކަމަށް އައީ މަސްވެރިން މަސް ކިރާތާ 48 ގަޑި އިރު ތެރޭގައި ފައިސާ ދޭނެކަމުގެ ވައުދާއެކުގައެވެ. އެހެންނަމަވެސް މަސްވެރިންނަށް ދޭން ޖެހޭ ފައިސާ ނުދިނުމުގެ ސަބަބުން އެތައް ފަހަރެއްގެ މަތިން މަސްވެރިން ވަނީ މުޒާހަރާއަށް ނިކުމެފައެވެ.

ވައުދާ އެއްގޮތައް މަސްވެރިންނަށް ފައިސާ ނުދެވެނީ މާލީ ހާލަތު ގޯސްކަމުން ކަމަށް ވިދާޅުވެ މިނިސްޓާރ ޝިޔާމް ވަނީ މަސްވެރިންނަށް ބަހަނާ ދައްކަވާފައެވެ.