ފަލަސްތީނަށް އެހީވުމުގެ ނަމުގައި ރާއްޖޭގެ އެކި ހިސާބުތަކުގައި ފަންޑްރެއިޒިންގ ހަރަކާތްތަކެއް ބޭއްވުމަށް ހަމަޖެހިއްޖެއެވެ.

މިގޮތުން މިއަދުން ފެށިގެން ފަންޑްރެއިޒް ކުރުމަށް ފަންޑް ފޮށި ބެހެއްޓުމާއި ޓީޝާޓް ފަދަ ތަކެތި ވިއްކަން ހުޅުވާލާފައިވެއެވެ.

ފަލަސްތީނަކީ އަބަދުވެސް ރާއްޖޭގެ ރައްޔިތުން ލޯބިވާ ވަރަށް ޚާއްސަ ޖާގައެއް އޮންނަ ބަޔެކެވެ.

ސަހްޔޫނީން ހިންގަމުންދާ ލާއިންސާނީ އަމަލުތަކުގެ ސަބަބުން ސަހްޔޫނީންނާއި ދެކޮޅަށް ދިވެހިން ދަނީ ހުއްޓުމެއްނެތި އަޑުއުފުލަމުންނެވެ.

މިދިޔަ ހުކުރު ދުވަހުވެސް މާލޭގައި ފަލަސްތީނާއި އެކު ދިވެހީންގެ ނަމުގައި ވަނީ ބޮޑު ހަރަކާތެއް ގެންގޮސްފައެވެ.

މިއާއި އެކު ސަހްޔޫނީންގެ ޕާސްޕޯޓް މަނާ ކުރުމުގެ ބިލު މަޖިލީހުން ފާސްނުކޮށް ހިފަހައްޓާފައި އޮންނަތާ 140 އަށްވުރެ ގިނަ ދުވަސް ވަނީ ވެފައެވެ.