ލިޔެފައިވާ ދެލި ގަނޑެއް ބަލައިގެން ކިޔުމަކީ އެންމެ ތުއްތު ކުއްޖާއަށް ވެސް ވަރަށް ފަސޭހަކަމެކެވެ. ބަލައިގެން ކިޔަން އެހާވެސް ފަސޭހައެވެ. އެހެން ނަމަވެސް ބަލައިގެން ކިޔަން ވެސް ނޭނގޭ މީހުން އުޅޭކަމަށް އަޅުގަނޑު އަޑުއެހީ އަދި އަލަށެވެ. އާދެ، އަޅުގަނޑު މި ދައްކަނީ މި ސަރުކާރުގެ ބައެއް ރައްޔިތުންގެ މަޖިލިސް މެމްބަރުންގެ ހާލަތު ހުރި ގޮތުގެ ވާހަކައެވެ.

އާދެ ދާދި ފަހުން ރައްޔިތުންގެ މަޖިލީހުގައި އޮތް ޖަލްސާއެއްގައި ސަރުކާރު ހިންގާ މައި ޕާޓީ "ޕީއެންސީ" ގެ ޕީޖީ ލީޑަރު އަދި އިނގުރައިދޫ ދާއިރާގެ އިއްޒަތްތެރި މެމްބަރު ވަނީ ނިކަން ފަރުވާތެރިކަމާއެކު މަޖިލީހުގައި ބަލައިގެން ކިޔާފައެވެ. ބަލައިގެން ކީ ނުކީއެއް އެ ބޭފުޅާއަށް ވެސް ނޭނގޭނެކަން ޔަގީނެވެ.

މުޅި މީސްމީޑިޔާގައި މިހާރު އެ ބޭފުޅާ ވަނީ ބަލައިގެން ކިޔަން ވެސް ނޭނގުނު ބޭފުޅެއްގެ ގޮތުގައި މަޝްހޫރުވެފައެވެ. މީގެކުރިން މަޝްހޫރުވެފައިވާ "އޮޑި ބަންނަ ފަލާހުގެ" ނަމުން އޭނާ ވަނީ " ބަލައިގެން ކިޔަން ވެސް ނޭނގުނު ބައިން އެއްވަނަ" ނަގާފައެވެ.

އާދެ، ޓޮބާކޯ އަކީ ކިޔަން މާ އުނދަގޫ ބަހެއް ނޫންކަން ޔަގީނެވެ. އެހެންނަމަވެސް އެ ބަހަކީ ފަލާހުމެން ފަދަ އެއްވެސް ތައުލީމެއް ނެތް ނާގާބިލް ފަރާތްތަކަށް ކިޔަން އުނދަގޫ ވަރަށް ވެސް ބޮޑު ބަހެކެވެ. އެ ބަސް ނުކިޔިގެން ޓޮބާކޯއަށް "ބޮޓާކޯ"އޭ ކިޔުނު އިރުވެސް ނޭނގުނެވެ. މިވަރުން މިދަނީ ރައްޔިތުން ތަމްސީލު ކުރަން މަޖިލީހަށް ކަމަށް ބުނެ މީސްމީޑިޔާގައި މިވަގުތު ފަލާހަށް އަންނަނީ މީހުން ފާޑުކިޔަމުންނެވެ.

އާދެ، ހަގީގަތުގައި ފާޑުކިޔަނީ ފާޑުކިޔަން ޖެހޭތީއެވެ. އެއީ ދެން ވަރަށް ވެސް ލަދުވެތި ކަމެކެވެ. އެހެންނޫންތޯއެވެ. މީހުން އާންމުކޮށް ބުނެ އުޅެނީ އޮޅޭނީ ހިތުން އެއްޗެއް ކިޔާނަމެވެ. އެހެން ނަމަވެސް ފަލާހު އެ އެރީ ހަމަ ހެޑަށެވެ. އަދި އެވެސް ބަލައިގެން ކިޔަން ހަދައިގެންނެވެ. މިހާ ހިސާބުން ދޭހަވަނީ ފަލާހަށް ވުރެ މަޖިލިސް ރައީސް އަދުރޭ ވެސް ބަލައިގެން ރަނގަޅަށް ކިޔާކަމެވެ.

ވާނީވެސް އެހެންތާ، ފަލާހު އޭނާއާ ނުބައްދަލު ކަންކަން ކުރަން އުޅޭތީ މިފަހަރު މި ގޮވީ އަމިއްލަ އަތަށެވެ. މުސްކުޅިން ބުނެ އުޅެއެވެ. ތިމާ ފޭހުނު އިލޮށި ހެރޭނީ ތިމާގެ ލޮލަށެވެ. މަޖިލީހުގެ ގޮނޑިއަށް ފަލާހު ރިޝްވަތާ ފައިސާ ބަހައިގެން ހޮވުނެވެ. މަޖިލީހުގެ މެޖޯރިޓީ ލީޑަރުކަން ވެސް ފަލާހުއަށް ދިނީ ފަސް އަހަރު ޕީޕިއެމް ޕިއެންސީގައި ނުހަނު ބުރަ މަސައްކަތްކުރި ލިޑަރުންގެ ތެރެއިން ހިމެނޭ ލީޑަރުން ވެސް އެ މަޖިލީހުގައި ތިއްބައެވެ. އެއާއެކު ފަލާހުގެ އަސްލު ސޫރަ ދައްކަން ފެށިއެވެ. ފުރަތަމަ ސަހްޔޫނީންގެ ފަލަސްތީނުގެ މައްސަލައިގައެވެ. އެއީ ދެ ގައުމެއްގެ ދޭތެރޭގައި ހިނގާ ދާޚިލީ ކަމެއްކަމަށް ބުނެ ސަރުކާރުގެ ޚިޔާލު ހުރި ގޮތް ސަރުކާރު ތަމްސީލުކުރާ ޕާޓީގެ މެޖޯރިޓީ ލީޑަރު ހާމަކުރިއެވެ.

ކޮންެމެ އަކަސް 5 އަހަރު ދުވަހު އޮތް ތަނެއްގައި ބޮނދަ ޖަހައިގެން އޮވެ ތައުލީމެއް ހާސިލް ކުރުމެއްނެތި މަޖިލީހަށް ފުންމާލައިގެން އެތަނުގައި އިތުރަށް ފަލީހަ ނުވާށެވެ. ވަގުތު އޮއްވާ ދެންވެސް މެމްބަރުކަމުން ވަކިވާށެވެ. އެއީ އެންމެ ބުއްދިވެރި ގޮތެވެ.