ކުރީގެ ރައީސް، މައުމޫނު އަބްދުލްގައްޔޫމު، މަޖިލިސް ރައީސް އަބްދުއްރަހީމު އާ ސަލާމް ނުކުރުމުން ގިނަ ބައެއްގެ ސަމާލުކަމަށް އެކަން އައިސްފިއެވެ.

ދިވެހިރާއްޖޭގެ 36 ވަނަ ނަސްރުގެ ދުވަސް ފާހަގަކުރުމަށް ބޭއްވި ރަސްމީ ޖަލްސާގައި ވާހަކަފުޅު ދެއްކެވުމަށް ފަހު ސްޓޭޖުން ފައިބައިވަޑައިގެން އިށީނދެ ވަޑައިގަތުމަށް ވަޑައިގެންނެވި ވަގުތު ކުރީގެ ފަރސްޓް ލޭޑީ ނަސްރީނާ އިބްރާހިމް އާއި ޖެހިގެން އަބްދުއްރަހީމް ހުރިއިރު، ރައީސް މައުމޫން އަދުރޭއާ ސަލާމް ނުކުރައްވައި ބައްލަވާވެސް ނުލެއްވިތަން ފެނިގެން ދިޔައެވެ.

ރައީސް މައުމޫނު އެ ފަދަ ގޮތަކަށް އަމަލު ކުރެއްވީ ކީއްވެކަން ހާމަވެފައި ނުވި ނަމަވެސް ރައީސް މައުމޫނާ އަދުރޭއަކީ ޑީއާރުޕީއިން ފެށިގެންވެސް ވަރަށް ގާތް ދެ ބޭފުޅުންނެވެ. ނަމަވެސް ޕީޕީއެމް ރައީސް އަބްދުﷲ ޔާމީނަށް ލިބުމަށް ފަހު ވަރަށް ބޮޑަށް ރައީސް މައުމޫންއަށް ކުޑައިމީސްކޮށް ވާހަކަދައްކަވާފައިވާކަން ފާހަގވެފައިވެއެވެ.

ނަމަވެސް އެއިން އެއްވެސް ބަހަކަށް ރައީސް މައުމޫނު މީގެ ކުރިން ރައްދު ދެއްވާފައި ނުވާއިރު މިއީ ރައީސް މައުމޫނު އަދުރޭއަށް ދެއްވި ހާޒިރު ނަމަވެސް ހިމޭން ރައްދެއް ކަމަށް ގިނަ ބަޔަކު ބުނަމުން ގެންދެއެވެ.