ނިމި ދިޔަ ސަރުކާރުން ދޫކުރި ގެދޮރުވެރިޔާ ފްލެޓުުތައް ނުދީ ހުންނަވާ، ސަރުކާރުތަކުން ގެ އަޅައިފައި ދިނުމަށްވުރެ ލޯނު ދޫކުރުމުން މާ ރަގަޅުކަމަށް ރައީސް މުހައްމަދު މުއިއްޒު ވިދާޅުވެއްޖެއެވެ.

އެމަނިކުފާނު މިފަދައިން ވިދާޅުވެފައިވަނީ، ހިޔާވަހި ފައިނޭންސިން ސްކީމް ތައާރަފްކުރުމަށް ބޭއްވި ހަފްލާގައި ވާހަކަފުޅުދައްކަވަމުންނެވެ.

ރައީސް ވިދާޅުވީ މިއަދު ތާއަރްފްކުރެވުނު ސްކީމަކީ ބޯހިޔާވަހިކަމަށް ދާއީމީ ހައްލެއް ގެނައުމުގެ ގޮތުން ފެށުނު އެންމެ މުހިންމު ކަންތައް ކަމަށެވެ.

ހިޔާވަހި ފައިނޭންސިން ސްކީމަކީ އެންމެ ފަހަރަކު ކުރިއަށް ގެންދާނެ ކަމެއް ނޫން ކަމަށާއި، މިއީ ދާއީމީ ގޮތެއްގައި ކުރިއަށް ގެންދާނެ ފައިނޭންސިން ސްކީމެއް ކަމަށް ވެސް ރައީސް މުއިއްޒު ވިދާޅުވެފައިވެއެވެ.

ގެއަޅާފައި ދޫކުރުމަށް ވުރެ ލޯން ދޫކުރުން މާ ރަނގަޅު ރައީސް މުއިއްޒު ވިދާޅުވެފައިވާއިރު، މިދިޔަ ސަރުކާރުން ރައްޔިތުންނަށް ދޫކޮށްފައި ހުރި ފްލެޓުތައް ނުދީ ހިފަހައްޓަމުން ގެންދާތީ ފްލެޓުވެރިން ގެންދަނީ މެދު ނުކެނޑި އިހުތިޖާޖުކުރަމުންނެވެ. ނަމަވެސް މި ސަރުކާރުން ފްލެޓު ލިސްޓު ނެރެން ބުނި ތާރީޚު ވެސް ދަނީ ފަސްކުރަމުންކަން ފާހަގަކޮށްލެވެއެވެ.