ދުނިޔޭގެ ބޮޑީ ބިލްޑިން މުބާރާތް ރާއްޖޭގައި ފުރަތަމަ ފަހަރު މުއިއްޒުގެ ސަރުކާރުން ބާއްވާ މުޅި ގައުމުގެ އިޖްތިމާއީ ކަރާމަތް ނަގާލައިފިއެވެ.
ދެ ޖިންސްގެ މީހުން ވާދަކުރާ ބޮޑީބިލްޑިން އެންޑް ފިޒިކް ސްޕޯޓްސް ޗެމްޕިއަންޝިޕަކީ، މުބާރާތުގެ ބައިވެރިންގެ ހަށިގަނޑު ވަރަށް ބޮޑަށް ހާމަކޮށްގެން ބާއްވާ މުބާރާތެކެވެ. މިއީ ރާއްޖޭގައި ޖގޔލބރލ ގައި މިފަދަ "އޮރިޔާން" މުބާރާތެއް ބާއްވާ ފުރަތަމަ ފަހަރެވެ. މިކަމާއި ގުޅިގެން ސޯޝަލް މީޑިއާގައި ގިނަ ބަޔަކު ސަރުކާރަށްވެސް އަންނަނީ ފާޑުކިޔަމުންނެވެ.
ދައުރުވަމުންދާ ވީޑިއޯތަކާއި ފޮޓޯތަކުން ފެންނަ ގޮތުން ކީރިތި ގުރުއާނުގެ ބަރަކާތުން މި މުބާރާތް ފަށާފައިވާއިރު، ނިވާކަން ކުޑަގޮތަކަށް އަންނެނުންނާއި ފިރިހެނުން އެކުގައިވެސް ހުށަހެޅުންތައް ހުށަހަޅާފައިވެ އެވެ. އަދި ވަނަ ތަކަށް ދާ ފަރާތްތަކަށް މެޑަލް ދިނުމާއި ހަފްލާގެ އެންމެހާ އިންތިޒާމުތަކުގައި ގިނައިން ހަރަކާތްތެރިވީ ދިވެހިންނެވެ.
މިކަމާއި ގުޅިގެން މިއަދުގެ ސަރުކާރަށް ތާއީދުކުރާ ގިނަ ދީނީ އިލްމުވެރިންވެސް ތިބީ ހަނު އެވެ. އަދި އިސްލާމް ދީން ހިމާޔަތްކޮށް އިސްލާމީ އަހުލާގު އާއްމު ކުރާނެ ކަމުގެ ވައުދާ މުންކަރާތް ހުއްޓުވާނެ ކަމުގެ ވައުދާއި އެކު ވެރިކަން ހޯދި މުއިއްޒުގެ ސަރުކާރުން މި މުބާރާތާއި ގުޅިގެން ރަސްމީކޮށްބަހެއް ނުބުނާކަން ފާހަގަކޮށްލެވެއެވެ.
ވޯލްޑް ބޮޑީބިލްޑިން އެންޑް ފިޒިކް ސްޕޯޓްސް ޗެމްޕިއަންޝިޕް އައްޑޫގައި ކުރިޔަށްދާއިރު، ބައިނަލްއަގުވާމީ ފެންވަރެއްގައި ފުޅާކޮށް އިންތިޒާމްކޮށްގެން ބާއްވާ "މިސް ޔުނިވާސް" މުބާރާތުގައި ދިވެއްސަކު ބައިވެރިވެ، ގައުމު ތަމްސީލުކުރަމުން ދިއުމާ ގުޅިގެންވެސް ގިނަ ބަޔަކު ވަނީ ސަރުކާރަށް ފާޑުކިޔާފައި ވެއެވެ.
