ރައީސް ޑރ މުހައްމަދު މުއިއްޒުގެ ވެރިކަމަށް މިއަދު އަހަރެއް ފުރިގެން ދިޔަ އިރު ފާއިތުވި އެއް އަހަރު ތެރޭ “ޑރ ކައްޒާބު” ގެ ނަމުން މުއިއްޒަށް މުޚާތަބުކުރަނީ އެއީ މުއިއްޒަށް ހައްގުވެގެންވާ ލަގަބެއް ކަމަށް ވާތީ ކަމަށް ޕީއެންއެފްގެ ސެކްރަޓަރީ ޖެނެރަލް މުހައްމަދު މަލީހް ޖަމާލް ވިދާޅުވެއްޖެއެވެ.

މަލީހް މިއަދު ކުރެއްވި ޕޯސްޓެއްގައި ވަނީ މުއިއްޒު ހެއްދެވި ދޮގުތަކުގެ ލިސްޓެއް ހިއްސާކޮށްފައެވެ.

މިގޮތުން މި ލިސްޓްގައި ފާއިތުވި 52 ހަފްތާ ތެރޭގައި ކޮންމެ ހަފްތާއަކަށް ދޮގެއް ވާ ގޮތަށް 52 ދޮގު ހާމަކޮށްފައިވެއެވެ.

ވެރިކަމަށް އަހަރު ވެގެން ދިޔައީ މީސްމީޑިއާ އިން މިއަދު ފެނިގެންދަނީ ޑރ ކައްޒާބު ގެ ލަގަބު މުއިއްޒުއަށް އަރުވަން ޖެހުނު ސަބަބުތަކެވެ.

އެކި ފަހަރު މަތިން މުއިއްޒު ހައްދަވާފައިވާ ދޮގުތަކާއި، ވެ ވަޑައިގެންނެވި ވައުދުތައް މިއަދުވެސް ރައްޔިތުން އަންނަނީ ރައީސަށް ހަނދުމަފުޅުކޮށްދެމުންނެވެ.

ރާއްޖޭގެ ރައްޔިތުންނަށް އެންމެ ނިކަމެތިކަން ލިބުނު 52 ހަފްތާގެ ގޮތުގައި މި ނިމިގެން ދިޔަ އަހަރު އަބަދުވެސް ދިވެހިން ހަނދާންކުރާނެއެވެ.