މަސްވެރިން ބާނާ މަސް ކިރާތާ 48 ގަޑި އިރު ތެރޭ މަސްވެރިންނަށް ފައިސާ ހަވާލުކުރާނެ ކަމަށް ވައުދު ވެވަޑައިގެންނެވި ނަމަވެސް ސަރުކާރަށް އެފަދައިން ކަންތައް ނުކުރާތީ މަސްވެރިންގެ ފާޑު ކިޔުން ސަރުކާރަށް އަމާޒުވެއްޖެއެވެ.
މަސްވެރިންގެ ޝަކުވާތައް ސޯޝަލް މީޑިޔާގައި ހިއްސާކުރަމުން އަންނައިރު ޕީއެޗްޑީއެއް އޮތަކަސް އަދި ވެރިކަމަށް ކުފޫ ހަމަނުވާ ކަމަށް މަސްވެރިން އަންނަނީ ބުނަމުންނެވެ.
ރައީސް މުއިއްޒު ހުވާ ކުރެއްވި ދުވަހު “އޭ މިހިރަ ދިދަޔާ އޭ” ބުނުމަކުން ގައުމު ނުހިންގޭނެ ކަމަށާއި އެކަމުގެ އިލްމާއި ހުނަރު އަދި ގާބިލުކަންވެސް ހުންނަން ޖެހޭނެ ކަމަށް މަސްވެރިން އަންނަނީ ގޮވާލަމުންނެވެ.
މީގެ އިތުރުން، ތެޔޮ ގަންނަން ސަބްސިޑީތައް ކަނޑާލައިފައިވާ ކަމަށް ފާހަގަކޮށް ބަރާބަރަށް މަސް ކިރުނަސް އެއަށްވާ ފައިސާ ހޯދަންޖެހެނީ ގަދަ ބާރުން ކަމަށް މަސްވެރިންގެ ޕޯސްޓްތަކުގައި ފާހަގަކޮށްފައިވެއެވެ.
މިއާއި އެކު މަސްވެރިންނަކީ ރައީސް މުއިއްޒު އަށް ފުރިހަމަ އިތުބާރުކޮށް ވޯޓު އެޅި މީހުން ކަމަށާއި އެހެން ނަމަވެސް މިއަދު އެކަމާއި ހިތާމަ ކުރާ ކަމަށް މަސްވެރިން އަންނަނީ ބުނަމުންނެވެ.
