ކޮންމެ ބަޔަކު ނަމަވެސް ސުޕަރ މެޖޯރިޓީ މަޖިލީހުގައި ލިބުމާއެކު ފުޓްބޯޅައެއްހެން ގާނޫނުއަސާސީއާ ކުޅެން ފަށައިފިނަމަ، ދުސްތޫރީ ނިޒާމު ގަޑުބަޑުވާނެ ކުރީގެ ނައިބު ރައީސް، ޑރ މުހައްމަދު ޖަމީލު އަހުމަދު ވިދާޅުވެއްޖެއެވެ.

ޑރ ޖަމީލު މިފަދައިން ވިދާޅުވީ، ޕާޓީ ބަދަލުކޮށްފި ނަމަ މެމްބަރުންގެ ގޮނޑި ގެއްލޭ ބިލް 78 މެންބަރުންގެ ވޯޓުން ފާސްކޮށް ގާނޫނު އަސާސީއަށް އެންމެ ހަތް ގަޑިއިރުތެރޭގައި ބަދަލުގެނައުމާ ގުޅިގެން އެކަމަށް އިޝާރާތްކުރައްވާ އެކްސްގައި ކުރެއްވި ޕޯސްޓެއްގައެެވެ.

ޑރ ޖަމީލު ވިދާޅުވި، ކޮންމެ ބަޔަކު ކުރިޔަސް ގޯހެއްވާނީ ގޯހަކަށް ކަމަށާ ގާނޫނު އަސާސީއަކީ ހަމަ ތިބެފައި އޯވަރނައިޓުން ބަދަލުކުރާ އެއްޗެއް ނޫންކަމަށެވެ. އަދި އެކަންކަން އުސޫލުން ކުރުން އެއީ ސަގާފަތަކަށް ވެއްޖެނަމަ އޭގެން ރަމްޒު ކުރާނީ ދިވެހިންގެ ޙާލަތުކަމަށް ވެސް ޑރ ޖަމީލު ވަނީ ވިދާޅުވެފައެވެ.

އެގޮތުން އެފަދަ ގޮތަކަށް ގާނޫނު އަސާސީއަށް ބަދަލު ގެނައުން އާދައަކަށް ހަދައިފި ނަމަ އެއީ ދިވެހިންގެ ތާކުންތާކު ނުޖެހޭކަމާ ޖާހިލުކަން ހާމަވާނެ ކަމެއްކަމަށް ވިދާޅުވެ ޑރ ޖަމީލު ވިދާޅުވި، އެހެން ގައުމުތަކުން އަހަރެމެންގެ މައްޗަށް ތިބޭނީ ހޭންކަމަށެވެ.

ގާނޫނު އަސާސީ އެކުލަވާލުމާ އާއި އާންމު ގާނޫނެއް ހެދުމާއި ވަރަށް ތަފާތު ބޮޑުކަން ހާމަކުރައްވާ ރާއްޖޭގެ ކުރިގެ ޖަސްޓިސް މިނިސްޓަރުކަން ވެސް ކުރައްވާފައި ހުންނެވި ޑރ ޖަމީލު ވިދާޅުވީ ނަތީޖާވެސް ތަފާތު ވާނެކަމަށެވެ. އަދި ކޯޓުތަކުންދެކޭ ގޮތްވެސް އެކަމުގައި ތަފާތުވާތީ، ގާނޫނު އަސާސީ ބަދަލުކުރަނީ ވަރަށް ބޮޑު މަޝްވަރާއެއީ ވެރިމީހާ ނުވަތަ ވެރިކަންކުރާ ޕާޓީއަކަށް އެކަނި އޮންނަ ޕްރޮރެގޭޓިވެެއް ނޫންކަން ފާހަގަކުރައްވާ ޑރ ޖަމީލު ވިދާޅުވީ މީހަކު ވެރިކަމަށް އައުމާއިއެކު، މަޖްލިސް ސުޕަރ މެޖޯރިޓީ ލިބޭ ކޮންމެ ފަހަރަކު ފުޓްބޯޅައެއް ތަޅާ ގޮތަށް ގާނޫނު އަސާސީއާ ކުޅެން ފަށައިފިނަމަ، ދުސްތޫރީ ނިޒާމު ގަޑުބަޑުވެ، އެއިގެ މުގައްދަސްކަމާއި، ސުޕްރިމިސީ ގެއްލި، އާދައިގެ ކުޅޭ އެއްޗަކަށް ގާނޫނު އަސާސީވުމުގެ ނަތީޖާ ވަރަށް ހިތިވާނެކަމަށެވެ.

ޕީއެންސީ އާ ރައީސް މުހައްމަދު މުއިއްޒު ގޮތަށް މާދަމާ އަންނަ ބަޔަކު، އަސާސީ ޙައްގުތައް ހަނިކޮށް އުނިކޮށްލާނެކަމާ ޖުޑިޝަރީގެ ނިޒާމު ބަދަލު ކޮށްލާނެކަމަށް ވިދާޅުވެ ޑރ ޖަމީލުވަނީ އެހާ ހިސާބުން މިނިވަން ތަންތަން ނެތި ހިގައިދާނެކަމާ އިސްލާމްދީން، ދިވެހި ރައްޔިތަކަށްވުން، މިފަދަ އަސާސީ ކަންކަމާ ކުޅެން ހިނގާނެ މަގަކީ ހަމަ އަތް ޖަހާފައި މިމުރާލި މަގަށްވެދާނެކަމަށް ފާހަގަކުރައްވާ ކަންބޮޑުވުން ފާޅުކުރައްވާފައެވެ.

އެއިރުން އާޚިރުގައި ގައުމެއްގެ ގޮތުގައިވެސް އޮތުމާއި ނެތުމުގެ ސުވާލު އުފެދޭނެކަމަށާ މިކަންކަމުގައި އަޑު ބާރަށް އުފުލަންޖެހެނީ މިހެންވެކަމަށްވެސް ޑރ. ޖަމީލު ވަނީ ވިދާޅުވެފައެވެ.