މަރުކަޒީ ބޭންކު، މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ މުވައްޒަފެއްގެ ޒާތީ މައުލޫމާތުތަކެއް ސޯޝަލް މީޑިޔާގައި ލީކުވި މައްސަލައެއް ބަލަމުން އަންނަ ކަމަށް އެ އޮތޯރިޓީން ބުނެފި އެވެ.

އެމްއެމްއޭގެ އިސް މުވައްޒަފެއްގެ ވަޒީފާ އާ ބެހޭ ޒާތީ މައުލޫމާތުތަކެއް މި ހަފްތާގެ ތެރޭގައި ސޯޝަލް މީޑިޔާގައި ވަނީ ލީކުވެފަ އެވެ.

އެކަމާ ގުޅޭ ގޮތުން އެމްއެމްއޭގެ އޮފިޝަލަކު ބުނީ އޮތޯރިޓީގެ މުވައްޒަފެއްގެ ޒާތީ މައުލޫމާތު ސޯޝަލް މީޑިއާގައި ލީކުވުމާ ގުޅިގެން އެމްއެމްއޭގެ އިންޓާނަލް އޮޑިޓުން އެ މައްސަލަ ބަލަން ފަށާފައިވާ ކަމަށެވެ.

އޭގެ އިތުރުން ބުނީ:

• އެ މައްސަލައާ ގުޅޭ ބައެއް ކަންކަމުގައި ފުލުހުންގެ އެހީތެރިކަން ހޯދާފައިވާ ކަމަށް

• އޮތޯރިޓީގެ މުވައްޒަފުންގެ ޒާތީ މައުލޫމާތަކީ މި އޮތޯރިޓީން ރައްކާތެރިކުރަން ބޭނުންވާ މައުލޫމާތެއް ކަމަށް