ނިކަމެތި ރައްޔިތުންނަށް ފްލެޓުތައް ނުދީ ހިފަހައްޓާ ހިފެހެއްޓުމާ ގުޅިގެން ކުރީގެ ނައިބު ރައީސް، ޑރ. މުހައްމަދު ޖަމީލު އަހުމަދުގެ ފާޑުނިޔުމާ ނުރުހުން ސަރުކާރަށް، ޚާއްސަކޮށް ހައުސިން މިނިސްޓަރު އަލީ ހައިދަރަށް އަމާޒުކުރައްވައިފިއެވެ.

ފްލެޓު ނުދީ ލަސްކުރަމުން ގެންދާ ދިއުމަށް އިޝާރާތްކޮށް ފްލެޓު ލިސްޓު ނެރޭނެ ވަގުތަކާ މެދު ނޫސްވެރިއަކު ކުރި ސުވާލަށް ދެއްވި ރުންކުރު ޖަވާބާއެކުވާ ވީޑިއޯއެއް ހިއްސާ ކުރައްވާ ޑރ ޖަމީލު ވަނީ އެކްސްގައި ޕޯސްޓެއް ކުރައްވާފައެވެ.

އެ ޕޯސްޓުގައި ޑރ ޖަމީލު ވަނީ، އެތަކެއް ހާސް ނިކަމެތި ރައްޔިތުންގެ ޙައްގަށް ވަޒީރު ހައިދަރު އަރައިގެންފިކަމަށާ ނަމަވެސް ބަޔަކު ހީކޮށްފާނެ، ތަޢްލީމް ހުރީމުން އެއީ ރަގަޅު މީހެއްގެ ގޮތުގައި ދެކެފާނެ ކަމަށް ޑރ ޖަމީލު ވިދާޅުވިއެވެ.

ނަމަވެސް އެމީހެއްގެ އަމިއްލަ އިންޓަގްރިޓީ ނެތުމަކީ އެންމެ ބޮޑު މައްސަލަކަމަށާ ޒިންމާދާރުކަން ކުޑަކަމާ ހުރިބޮޑާކަން އެކްސް ޕޯސްޓުގައި އެމަނިކުފާނު ހިއްސާކޮށްފައިވާ ވީޑިއޯއިންވެސް ފެންނަކަމަށެވެ.

ފްލެޓްތަކުގެ އަތް އަޅާފައި މިހާރުވީ ވަޒީރު ހައިދަރުވީ މަޖާކުރަން ވަޑައިގެން ކަމަށް ވިދާޅުވެ ޑރ ޖަމީލު ވިދާޅުވީ މިއީ ސިޔާސީ މަގާމު ފޭވަރއިން ހޯދީމަވާ ގޮތްކަމަށެވެ. އެފަދަ މީހުންގެ އަމިއްލަ ވިސްނުމެއް ނޯންނާނެކަމަށް ވެސް ޑރ ޖަމީލު ވަނީ ވިދާޅުވެފައެވެ.

ރައީސް މުހައްމަދު މުއިއްޒު ފްލެޓާއި ގޯތިން ކޮރަޕްޝަން ހިންގަނީ ވަޒީރު ހައިދަރު ކަމަށާ މެޑަމް ސާޖިދާ އަދި ޕީއެންސީއިން އަންނަ ލިސްޓަށް ފްލެޓްތައް ބަހަން ތައްޔާރުވާ ކަމުގެ ބޮޑު ތުހުމަތެއް އެބަ އޮތް ކަމަށެވެ.

ޔަގީނުންވެސް ހައުސިންގ ކޮމެޓީއާ ވަޒީރު ހައިދަރު މަޝްވަރާ ނުކުރައްވާކަމަށް ވިދާޅުވެ އިތުރަށް ޑރ ޖަމީލު ވިދާޅުވީ، މިއީ ޖިނާއީ ބޮޑެތި ޖަރީމާތައް ކަމަށެވެ.

ﷲގެ އިރާދަފުޅުން މިކަންތަކުގެ ނަތީޖާ މިކުށް ހިންގާ މިފަދަ ފަރާތްތަކާ ބަައްދަލުކުރާނެކަން ފާހަގަކުރައްވާ ޑރ ޖަމީލު ވަނީ މިފަހަރު ރައްޔިތުން ދޫ ނުދޭނެކަމަށް ވިދާޅުވެފައެވެ.

މީގެ އިތުރުން ކޮންމެ މީހަކާ ވެސް ގާނޫނު އަރާހަމަ ކުރާނެކަން ހާމަކުރައްވާ ޑރ ޖަމީލު ވިދާޅުވީ ބަޔަކު ބުރަ މަސައްކަތްކޮށް ސަރުކާރު 5 އަހަރުން ބަދަލުކުރާއިރު ހިހޫތަނުގައި ތިބެފައި ވައިކުޑައިން ފުއްމާލަނީ ހައިދަރު ފަދަ ނާގާބިލް، ނަޒާޙަތްތެރިކަމެއް ނެތް މީހުންކަމަށް ވެސް ވިދާޅުވެފައެވެ.

ހަމައެހެންމެ އެ ފަދަ ޖަރީމާ ހިންގާ މީހުން ރައްޔިތުންނަކީ އަގެއް ނެތް ބައެއްގެ ގޮތުގައި ދެކޭ ކަމަށާ މިއީ ރައީސް މުއިއްޒުގެ ޗަމްޗާއިންކަމަށް ވެސް ޑރ ޖަމީލު ވަނީ ވިދާޅުވެފައެވެ. އަދި ވެރިކަމުގައި ތިބީ ރައްޔިތުންގެ ލޭބޯ، ސީދާ އެމީހުންގެ ދުޝްމަނުން ކަމަށް ވެސް ޑރ ޖަމީލު ވަނީ ވިދާޅުވެފައެވެ.

ޑރ ޖަމީލުގެ ނުރުހުމާ ފާޑުކިޔުން އަމާޒުކުރައްވާފައި މިވަނީ ކުރީ ސަރުކާރުން ދިން ފްލްޓުތައް، އިވެލިއޭޓުކުރުމުގެ ނަމުގައި ނުދީ ހިފަހައްޓާމުންދާތީ ސަރުކާރަށް ރައްޔިތުންގެ ނުރުހުން އަމާޒުކުރަމުންދާ ދަނޑިވަޅެއްގައި ކަން ފާހަގަކޮށްލެވެއެވެ.