މޫސުން ގޯސްވެ އައްޑޫ ސިޓީގެ މަަރަދޫ ފޭދޫ 5 ގެއެއްގެ ފުރާޅު ވަޔާ އެއްލާލުމާއި ގުޅިގެން އެމްއެންޑީއެފް ސަދަން އޭރިއާ ކޮމާންޑްގެ ސިފައިން އެހީތެރިކަން ފޯރުކޮށްދީފި އެވެ.
މި ފަސް ގޭގައި ޖުމްލަ 13 މީހުން ދިރިއުޅެމުންދާކަން މައުލޫމާތު ލިބިފައިވެ އެވެ.
ރޭ އައްޑޫ ސިޓީއަށް ކުރި ވިއްސާރައާއެކު އައި ގަދަ ކޮޅިގަނޑުގައި، އައްޑޫ ސިޓީ، މަރަދޫގެ ގެއަކާއި، މަރަދޫފޭދޫގެ ގެއެއްގެ އިތުރުން، ފޭދޫގެ ދެ ގެއެއް، އަދި ހުޅުދޫގެ ގެއެއްގެ ފުރާޅު ވަޔާ އެކު މަގުމައްޗަށް އެއްލާލާފައި ވެއެވެ.
އެންޑީއެމްއޭއިން ވިދާޅުވީ، މިހާރު ރާއްޖެއަށް ކުރަމުންދާ ވިއްސާރައިގަ އައްޑޫ ސިޓީގެ މަރަދޫ ފޭދޫއަށް ވައިގަދަވެ ގެއެއްގެ ފުރާޅު އެއްލާމުމާއި ގުޅިގެން އެ ގޭގެ ފަރާތްތަކަށް އެހީތެރިކަން ފޯރުކޮށްދިނުމުގެ މަސައްކަތް އަައްޑޫ ސިޓީ ކައުންސިލާއި ގުޅިގެން އެ އޮތޯރިޓީން ކުރަމުންދާ ކަމަށެވެ.
މި ފަރާތްތަކަށް މިހާރު ވަގުތީ ހިޔާވަހިކަމެއް ފޯރުކޮށްދީފައިވާ ކަމަށް އެމްއެންޑީއެފްއިން މައުލޫމާތު ދެއެވެ.
