ޓެކްސީ ޑްރައިވަރުންގެ މައްސަލަތަކަށް ސަރުކާރުން ހައްލު ހޯދުމަށް މަސައްކަތް ނުކުރާތީ ޑްރައިވަރުން މިއަދު ހުޅުމާލޭގައި އިހުތިޖާޖުކޮށްފިއެވެ.
ގިނަ އަދަދެއްގެ ޓެކްސީ ޑްރައިވަރުން ބައިވެރިވި މި އިހުތިޖާޖުގައި ޑްރައިވަރުންގެ ކަންބޮޑުވުންތައް ފާހަގަކޮށް ލިޔެފައިވާ ބެނާތައް ބޭނުންކޮށްފައިވެއެވެ.
ރައީސް މުއިއްޒު އާއި ޓެކްސީ ޑްރައިވަރުން އަންގާރަ ދުވަހު ބައްދަލުކުރުމަށް ނިންމަވާފައިވީ ނަމަވެސް، ރައީސް ވަނީ ބިޒީ ކަމަށް ބުނެ ބައްދަލުވުން ފަހު ވަގުތު ކެންސަލްކޮށްފައެވެ.
މި މައްސަލައިގައި އިހުތިޖާޖުތައް ކުރިއަށް ގެންދާނެ ކަމަށް ޓެކްސީ ޑްރައިވަރުން އިއްޔެ ބޭއްވި ނޫސްވެރިންގެ ބައްދަލުވުމެއްގައި ވަނީ ބުނެފައެވެ.
ރައްޔިތުންގެ ޝަކުވާތަކާއި ކަންބޮޑުވުންތައް އަޑު ނޭހޭ ވެރިއެއް ރައްޔިތުން ބޭނުން ނޫން ކަމަށާއި ރައްޔިތުންނަށް ހެޔޮ ގޮތްތައް އެދިލައްވާނެ ވެރިއެއް ރައީސް މުއިއްޒު ކަންތައް ކުރައްވާހެން ކަންތަައްތައް ނުކުރައްވާނެ ކަމަށް މިއަދުގެ އިހުތިޖާޖުގައިވެސް ޑްރައިވަރުން ވަނީ ފާހަގަކޮށްފަ އެވެ.
އެސްއެމްއީ ލޯނުތަކަށް ގެނެސްފައިވާ ކާރުތަކާއި އަދި މިހާރުވެސް މާލެ އެތެރެކުރެވިފައިވާ ކާރުތައް ރީ ރަޖިސްޓްރީ ނުކޮށް އިތުރު ކާރުތައް ގެނެސް ރަޖިސްޓްރީ ކުރަމުންދާ މައްސަލައި ހައްލުކޮށްދެއްވުމަށްވެސް ޑްރައިވަރުން ވަނީ ގޮވާލާފައެވެ.
