މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީއާއި މިނިސްޓްރީ އޮފް ހައުސިންގ، ލޭންޑް އެންޑް އަރބަން ޑިވެލޮޕްމަންޓްގެ އޮފީސް ހިންގަމުންދާ އިމާރާތުގައި ރޯވެ އަނދަމުންދާ ކަމަށް މައުލޫމާތު ލިބިއްޖެއެވެ.
އެމްއެންޑީއެފުން ހާމަކުރި ގޮތުގައި ދެ މިނިސްޓްރީއެއްގެ އޮފީސް ހިންގާ އިމާރާތުގައި އަލިފާނުގެ ހާދިސާއެއް ހިނގައިގެން ސިފައިން ވަނީ ހަރަކާތްތެރިވާން ފަށާފައެވެ. އިމާރާތުގައި ވަރަށް ބޮޑަށް ރޯވެފައިވާކަމުގެ މައުލޫމާތު ލިބިފައިވެއެވެ.
މިކަމާ ގުޅިގެންނ އެ ދެ މިނިސްޓްރީ ހުންނަ އިމާރާތް, މ. ގްރީން ބިލްޑިން ހުންނަ ސަރައްދުގައި ހިމެނޭ ގެތަކުންނާ އިމާރާތްތަކުން މީހުން ހުސްކުރަމުން ގެންދާކަމަށް ފުލުހުން ހާމަކޮށްފައިވެއެވެ. އަދި އެ ސަރަހައްދުގައި އާންމު ޓްރެފިކުވަނީ ބަންދުކޮށްފައެވެ.
