މޯލްޑިވްސް މީޑިއާ ކައުންސިލް (އެމްއެމްސީ)ގެ ރައީސްކަމުގެ މަގާމަށް ހުސައިން ސަގީފް އިންތިހާބުކޮށްފި އެވެ.

ރައީސް ކަމުގެ މަގާމަށް ސަގީފް އިންތިހާބުވީ މީޑިއާ ކައުންސިލް މެންބަރުންގެ މެދުގައި އިއްޔެ ނެގި ވޯޓުން ކުރި ހޯއްދައިގެންނެވެ. ސަގީފް އާ ވާދަކުރީ މިހާރު ނޫހުގެ ޝަނާ އެވެ.

މީޑިއާ ކައުންސިލުގެ އާ ދައުރަށް މެންބަރުން އިންތިހާބު ކުރުމަށް ބޭއްވި ވޯޓަށްފަހު އެ ކައުންސިލުގެ ރައީސް އާއި ނައިބު ރައީސް ހޮވަން ފުރަތަމަ ވޯޓުލުމުން އެއް ވެސް މީހަކަށް ކުރި ނުލިބުމުން އަލުން ރައީސްކަމުގެ މަގާމުގެ ވޯޓު ވަނީ ކުރިއަށް ގެންގޮސްފަ އެވެ.

އިއްޔެ އަލުން ނެނގި ވޯޓުގައި ރައީސް ކަމަށް ސަގީފް އިންތިހާބުވީ އަށް މެންބަރުންގެ ވޯޓާއެކު އެވެ. އަދި ޝަނާއަށް ލިބުނީ ހަތް ވޯޓެވެ.

މީޑިއާ ކައުންސިލްގެ ނައިބު ރައީސް ކަމަށް ވާދަކޮށް، އެ މަގާމަށް އިންތިހާބުވީ އަމިއްލަ މެންބަރު އިބްރާހިމް މުހައްމަދެވެ.

މީޑިއާ ކައުންސިލްގައި ތިބެނީ މީޑިއާތަކުން 8 ނޫސްވެރިއަކާއި އަމިއްލަ ގޮތުން 7 މީހަކާ އެކު ޖުމްލަ 15 މީހެކެވެ. އެ ކައުންސިލްގެ ދައުރަކީ ދެ އަހަރެވެ.