2018 އިން 2023 އަށް ކުރި ވެރިކަމަކީ ރައްޔިތުންގެ ފައިސާއަށް ޚިޔާނާތްތެރިވެ ރައްޔިތުން ބިކަކޮށް ހާލުގައި ޖެއްސި ވެރިކަމެއް ކަމަށް ބުނެ ނުހަނު އަޑު ގަދަކުރި ބަޔަކު އޭރު ތިއްބެވެ. ޕީޕީއެމް އޭ ކިޔާ ޕާޓީއެއްގެ ނިވަލުގައި ތިބެ އޭރު އެ ހަޅޭއްލެވީ ހަގީގަތުގައި ގައުމުގެ ވަފާދާރީ ނޫންކަން ނަމަވެސް މިއަދު މިދަނީ ގައުމުން ފެންނަމުންނެވެ.

އެގޮތުން ދިވެހިރާއްޖެ ސަލާމަތީ އައްސޭރިއަކަށް ވާސިލުކުރުމަށް ތިމަންނައަށް ވޯޓުދޭ ށޭ ކިޔާ ރައީސް އަބްދުﷲ ޔާމީންގެ ނަންފުޅާ ފޮޓޯފުޅާ އަދި ހުސްގޮނޑިވެސް ދައްކާ ދަޅަދައްކާ ރައްޔިތުން ގުނބޯ ހައްދައިގެން ވެރިކަމަށް އައި މ ދިމްޔާތު ޑރ މުހައްމަދު މުއިއްޒަކީ ބުނި ބަހުގެ އިތުބާރު ދެމެހެއްޓުނު މީހެއް ނޫންކަން މިއަދު ރައްޔިތުން ގަބޫލުކުރެއެވެ.

އިބްރާހިމު މުހައްމަދު ސޯލިހުގެ ސަރުކާރަކީ ކޮރަޕްޓް، ވައްކަން ގިނަ ސަރުކާރެއް ކަމަށާ ކޮވިޑުގެ ހާލަތުގައި ރައްޔިތުންގެ ނޭވާ ހޮޅިން ވައްކަން ކުރި ކަމަށް ބުނެ އެމައްސަލަތައް ބަލާނެކަމުގެ ވައުދާ އެކު ވެރިކަމަށް އައިސް އަހަރެއް ނިމިގެން ދިޔައީ އެ މައްސަލަތަކުގައި އަތްލަންވެސް މި ސަރުކާރަށް ނުކެރުނެވެ. ގައިމު ސަބަބެއް އޮތީމަތާއެވެ.

ރައީސް މުއިއްޒުގެ ސަރުކާރަށް އަހަރެއް ވެގެން ދިޔައިރު މުޅި ގައުމުގައި އެންމެ ގަދަ އަޑަކީ ވައްކަމެވެ. ތަރައްގީގެ ހުވަފެން ދައްކާ ރާއްޖެ ދުށް ތަރައްގީގެ އަސްލު ބާނީގެ ނަންފުޅު ބޭނުކޮށްގެން އައިސް 13 މަސް ސަރުކާރަށް ވެގެން ދިޔައިރު ދިވެހިން ގޮވަން ޖެހިފައި އޮތީ، ގްރޭޑް 3ގެ ދިވެހި ފޮތުގައި އޮންނަ ޗުއިންގަމް ޅެމުގައި ގޮވާ ޗުއިންގަމް ޗުއިންގަމްގެ ބަދަލުގައި ވައްކަން ވައްކަން މިހެންނެވެ.

"ވައްކަން ވައްކަން، އެތާވެސް ވައްކަން މިތާވެސް ވައްކަން، އަބުބަކުރުވެސް ގޮވަނީ ވައްކަން" މިހެންނެވެ.

ސަރުކާރުގެ ހުރިހާ ކުންފުނިތަކަކީ ރައީސް މުއިއްޒު ވެރިކަން ދިފާއުކުރަން ބަހަން ޖެހޭ ފައިސާއަށް ޗަންދާ ޗާޕުކުރާ މެޝިންތަކެވެ. މަހުގެ ވަކި ހިސާބަކަށްދާއިރު އެ ދޭން ޖެހޭ ޗަންދާ ނުދީފިނަމަ އެކަމަށް އެކަމަށް ކަނޑާއަޅާފައި ހުންނަ މީހަކު އެނުދީ އޮތް އެސްއޯއީއެއްގެ އެމްޑީއަކަށް ގުޅާ ސުވާލުކުރެއެވެ. މިކަންކަން ދޮގު ކުރިޔަސް މިކަންކަން ހާމވާނެ ދުވަހެއް އަންނާނެއެވެ.

އެ އަޑުތައް ގަދަވެފައިވަނިކޮށް ދާދި ފަހުން އިވެން ފެށި އަޑަކީ އެސްއޯއީތަކުން ވައްކަން ކުރާ ވާހަކައެވެ. މި ވާހަކަ ފުރަތަމަ އަޑު އިވުނު ދުވަހުވެސް ހިތަށް އެރިއެވެ. ކުޑަ ސޯބު އެނބުރެނީ ބޮޑު ސޯބު އެނބުރޭ ގޮތަކަށެވެ. ކަންކަން ހޯދާ ބަލާލިއިރު ކަންވަނީ ވެސް އެހެންނެވެ.

ކޮންމެ އެސްއޯއީއަކުންވެސް ކުރާ ވައްކަން ގޮސް ހުއްޓެނީ ރައީސް މުއިއްޒަށް ބައި އެޅޭ ހިސާބަށެވެ. ދެން ރައްޔިތުންނަށް މިކަންކަން ފަޅާއެރުމުން ތިމަން މަނިކުފާނަކީ މާ ނަޒާހާތްތެރިއެއްކަމަށް ދެެއްކުމަށް އެސްއޯއީތަކުގެ ވެރިން ގުރުބާން ކަންބަޅިއަކަށް ހަދަނީއެވެ. އެވެސް ހިތަށް އެރި މީހަކާ މެދު ކަންކުރާ ގޮތެކެވެ.

މި ހުރިހާކަމެއް ވެސް ރޯމާ ދުވާލު ރައްޔިތުން ލޯ ކުރިމަތީ ހިނގަމުން ދާއިރުވެސް ރައީސް މުއިއްޒު އުޅުއްވަނީ ދިވެހީންނަކީ އެއްޗެއް ނުވިސްނޭ ތުއްތު ޅަ ބަބާއިންނަށް ހަދަންށެވެ. އެގޮތުން އެސްއޯއީތަކުން ވައްކަން ކޮށް މުޅި ދައުލަތް ފެލައިލައިގެން ދަވާލާއިގެން ތިބެވެސް އަދިވެސް މި ގޮވަނީ ނޭވާ ހޮޅިން ކުރީ ސަރުކާރުން ވައްކަންކުރި ވާހަކައެވެ.

މި ވާހަކަތައް އަޑު އިވުމުން މަ ގާތަށް އަންނަނީ އަމަށަކު ހިންޏެއް ނޫނެވެ. އެހެންޏާފަހެ މިއަދު ވެރިކަމުގައި މި މީހުން ތިބެ ދެން މި ކުރަނީ ފަހެ ކިއްހެއްޔެވެ. ތިން ބާރުވެސް މުށުތަެރެއަށްލާ ތަހުގީގީ ހުރިހާ އިދާރާތކެއް އަމިއްލަ މުށުތެރެއަށް ރައީސް މުއިއްޒު ލައްވައިގެން ހުންނެވިއިރު މިއަދު ޕީއެންސީގެ ބޮޓުން ކުރީ ސަރުކާރުގެ ވާހަކަތައް މި ދައްކާ މިކިޔަނީ އަޅެ ފަހެ ކީކޭހެއްޔެވެ.

ރައްޔިތުންގެ ނޭވާ ހޮޅިން ވައްކަންކުރި ވާހަކަ ގޮވަމުން މައްސަލަތައް ބަލާނެ ކަމަށް ބުނަމުން، ވެރިކަމަށް އައިސް އާރާބާރު އޮވެމެ ދެން މި ހެދި ވަޑާމަކީ ރައްޔިތުންގެ ބިންތައް ފޭރި ފައިސާތައް ދަވާލުމެވެ.

ތިމަންނާ އަމިއްލައަށް ޕްރޮމޯޓުވާން އުފެއްދި ޓީވީ ސްޓޭޝަން ކޮރަޕްޝަންގެ ފައިސާއިން ހިންގަމުންދާއިރު އެކަން ވަންހަނާކޮށް މަތިޖަހަން، ތިމަންނާއާ ހަމައަށް އެންސްޕާގެ މައްސަލަ ނާދެއޭ ބުނާއިރު ފެންނަން ހުރި ލިޔެ ކިޔުންތަކުގެ ދެލި ފަނޑީބާއެވެ؟ ޒުހޫރު ފޮނުވި ސިޓީ ނުލިބެޔޭ ބުނާއިރު އެ ސިޓި ދިޔައީ މިއަދު ޓީވީތަކަށް އަރާ ތިބޭ ބޮޓޫންތައް ކުރިން ބުނިހެން އަޑިންބާއެވެ. ނުވަތަ މަތިންބާއެވެ؟ ވާހަކަ ދައްކާއިރު ނިކަން ސިކުނޑިތަކަށް ގަބޫލުކުރެވޭ ވަރުގެ ވާހަކަ ދައްކާ ނަމަވެސް ތާހިރުވާނެއެވެ.