ޖަލްސާއަށް ދިޔަ މީހުން މަދުވުމުން މައިކަށް މައްސަލަ ދިމާވީމާ ކަމަށް ހަދާ ޕީއެންސީ ޖަލްސާ ނިންމާލައިފިއެވެ.

ވެރިކަން ކުރާ ޕާޓީ, ޕީޕަލްސް ނެޝަނަލަް ކޮންގްރެސް (ޕީއެންސީ)އިން ޖަލްސާއެއް ނުބާއްވާތާ އެތައް ދުވަހެއް ފަހުން މިރޭ ޕީއެންސީ ޖަގަހައިގައި ބޭއްވި ޖަލްސާއަށް ދިޔަ ގިނަ ބަޔަކު ތިބީ ވެސް ޖަގަހައިން ބޭރުގައެވެ. އުވާލި ޕީޕީއެމްއަށް ނިސްބަތްވާ ގޮނޑިތައް ޖަހާފައި ހުރިއިރު ގޮނޑިތަކުގައި އިށީނދެ ތިބި މީހުންވެސް ވަރަށް މަދުކަން ފާހަގަކޮށްލެވެއެވެ.

ޖަލްސާ ފަށައިގެން ދޭތެރެ ދޭތެރެއިން މައިކުގެ އަޑު ވައްޓާލާ މަންޒަރު ޖަލްސާ ބަލަން ތިބިއިރު ފާހަގަވިއެވެ. އޭގެ ފަހުން ހެންވޭރު އުތުރު ދާއިރާ މަޖިލިސް މެމްބަރު އައިފާން ޕޯޑިއަމް ކައިރީ ހުރެ ރައީސް ޔާމީންގެ ސަރުކާރުގެ އުފެއްދުންތެރިކަމުގެ ވާހަކަ ކުޑަ ގޮތަކަށް ވިދާޅުވެ ނިމި އިބޫ ސަރުކާރުގެ ނާގާބިލް ވާހަކަ ފެށި ތަނާހެން ވިލިމާލެ ދާއިރާ މެމްބަރު މުހައްމަދު އިސްމާއިލް ގޮސް ޕޯޑިއަމް ކައިރިއަށް ހުއްޓި, މައިކަށް ދިމާވެގެން އުޅޭ މައްސަލައަކާ ހުރެ ޖަލްސާ ކުރިއަށް ނުގެންދެވިގެން ނިންމާލަނީ ކަން ހާމަކުރިއެވެ. އަދި ޖަލްސާއަށް މީހުން އައި ގޮތް މަދުވެ ޖަލްސާ ނިިންމާލަމުން ވަނީ މައިކަށް ދިމާވި މައްސަލަ އެހެން ބަޔަކާ ޖާމިނު ކުރަންވެސް މަސައްކަތްކޮށްފައެވެ.

މުހައްމަދު ހާމަކުރި ގޮތުގައި އެ ޖަލްސާ ބޭއްވީ ވެސް ވަރަށް މަސައްކަތުން ކަމަށެވެ.