އާ އަހަރު ފާހަގަކުރުމާ ދިމާކޮށް ބަނގުރަލާ އެކު ތިން މީހަކު ހައްޔަރުކޮށްފި އެވެ.

މިއީ މީލާދީ އާ އަހަރާ ދިމާކޮށް ފުލުހުން ހިންގި މަސްތުވަތާކެތީގެ އޮޕަރޭޝަނުގެ ތެރެއިން ހައްޔަރުކުރި ބައެކެވެ.

މި މައްސަލައިގައި ހައްޔަރުކުރީ މާލޭ ގ. ރެއިންބޯ، އުމުރުން 26 އަހަރުގެ އިސްމާއީލް މާހީން މުސްތަފާއާއި، ސ. ހުޅުދޫ ހެޕީޑްރީމްސް، އުމުރުން 19 އަހަރުގެ އިބްރާހީމް އަކްމަލް އަބްދުއްސައްތާރުގެ އިތުރުން، ސ. ހުޅުދޫ ޗާންދަނީގޭ އުމުރުން 22 އަހަރުގެ އަހްމަދު އާނިޝްއެވެ.

އެ ތިން މީހުންގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން ޝަރުތުކޮށް ދޫކޮށްލާފައިވާ ކަމަށް ވެސް ފުލުހުން ބުންޏެވެ.

މި މައްސަލަ ފުލުހުން އިތުރަށް ތަހުގީގު ކުރަމުން އަންނަ އިރު، އާ އަހަރާ ދިމާކޮށް ބަނގުރަލާއި މަސްތުވާތަކެތި ބޭނުން ކުރުން އިތުރުވެދާނެތީ ފުލުހުން އޮތީ ދުރާލައި ހާއްސަ އޮޕަރޭޝަނެއް ވެސް ފަށައިފަ އެވެ.