ރައީސް ޑރ. މުހއްމަދު މުއިއްޒުގެ ސިޔާސީ ހަޔާތުގައިވަނީ ކަތުރުފަނި އަޅައިފައިކަމަށް ޕިޕަލްސް ނޭޝަނަލް ފްރަންޓް ޕީއެންއެފްގެ ސެކްރެޓަރީ ޖެނެރަލް މުހައްމަދު މަލީހު ޖަމާލް ވިދާޅުވެއްޖެއެވެ.

މަލީހު މިފައިން ވިދާޅުވެފައިވަނީ ކުރެއްވި އެކްސް ޕޯސްޓެއްގައެވެ.

މިއަދު ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ އާއި ދަރިކަލުން ޓުއަރިޒަމް މިނިސްޓަރ ފައިސަލް އިބްރާހިމް ފައިސަލްގެ ހިލަމެއް ނުވާކަން މަލީހުގެ ޕޯސްޓުގައި ފާހަގަ ކުރައްވާފައިވެއެވެ.

ރައީސް ގެންދަވަނީ އަބްދުއްރަހީމްގެ ހުރިހާ ސިޔާސީ ހަރަކާތްތަކަށް ފާރަވެރިވަމުންކަމަށް މަލީހު ވިދާޅުވިއެވެ.

އެގޮތުން ހުޅުދޫ ދާއިރާގެ މަޖިލިސް މެމްބަރު މުހައްމަދު ޝާހިދާއި ވިލިމާލެ ދާއިރާގެ މެމްބަރު މުހައްމަދު އިސްމާއީލް ރައީސަށް ލޯޔަލް ނުވާނެކަމަށް ފާހަގަކޮށް އެމަނިކުފާނުގެ ސިޔާސީ ހަޔާތުގައިވަނީ ކަތުރުފަނި އަޅާފައިކަން މަލީހު ވިދާޅުވިއެވެ.