މި ސަރުކާރުގެ ބައެއް މިނިސްޓަރުން ރައީސް ޑރ. މުހައްމަދު މުއިއްޒަށާއި ރައްޔިތުންނަށް ހިދުމަތް ދިނުމުގައި އިހުލާސްތެރި ނޫން ކަމަށް ދިއްދޫ ދާއިރާގެ ޕީއެންސީ މެމްބަރު އަބްދުއްލަތީފް މުހައްމަދު މިއަދު ވިދާޅުވެއްޖެ އެވެ.

މިދިޔަ ޑިސެމްބަރު މަހު ކެބިނެޓަށް ގެނައި ބަދަލާ އެކު މިނިސްޓަރުންނަށް ރުހުން ދިނުމަށް މަޖިލީހުގެ މިއަދުގެ ޖަލްސާގައި ވަނީ ވޯޓުލާފަ އެވެ. ލަތީފް މި މޭރުމުން ވާހަކަ ދެއްކެވީ އެ ވަޒީރުންނަށް ރުހުން ދިނުމަށް ކޮމެޓީން ނިންމި ގޮތުގެ ރިޕޯޓަށް ވާހަކަ ދައްކަވަމުންނެވެ.

ލަތީފް ވިދާޅުވީ ދިވެހި ރައްޔިތުންނަށް ބޭނުންވާ ވަރަށް ގިނަ ކަންކަމުގައި މަޖިލީސް މެމްބަރުން ވަޒީރުންނަށް ފޯނުކު ރަންޖެހޭ ކަމަށެވެ. ނަމަވެސް ވަޒީރުން ފޯނު ނުނެއްގެވުމާއި ކަންކަން ނުކޮށްދޭ މައްސަލައަކީ ވަރަށް ބޮޑު މައްސަލައެއް ކަމަށް ލަތީފު ވިދާޅުވި އެވެ. އެހެންވެ އެފަދަ މިނިސްޓަރުން ރައީސް މުއިއްޒާ ގާތްވުމުން މަގާމުން ދުރުނުކުރެވޭނެ ކަމަށް ހީނުކުރެއްވުމަށް ވެސް ލަތީފު ވިދާޅުވި އެވެ.