ރައީސް ޑރ މުހައްމަދު މުއިއްޒަކީ މޫނު ނިވާކޮށްގެން ވެރިކަން ހޯދުމަށްޓަކައި މުޅި ރައްޔިތުންގެ އިތުބާރުގައި ކޮޅުފައިން ޖެހި ބޭފުޅެއްކަމަށް ރާއްޖޭގެ ކުރީގެ ނައިބު ރައީސް ޑރ މުހައްމަދު ޖަމީލު އަހްމަދު ވިދާޅުވެއްޖެއެވެ.
ޑރ. ޖަމީލް މިފަދައިން ވިދާޅުވެފައިވަނީ ކުރެއްވި ޓްވީޓެއްގައެވެ.
ރައީސް މުއިއްޒުގެ ކިބައިގައި ހުރި ސިފަތަކާއި މެދުވަނީ ޑރ ޖަމީލް ގިނަ ސުވާލުތަކެއް އުފައްދަވާފައެވެ. އެގޮތުން އެމަނިކުފާނުގެ ކިބައިގައި ހުރި އުސޫލަކާއި،އަޚްލާގާއި ސީރަތާއި މެދު ޑރ. ޖަމީލް ސުވާލް އުފެއްދެވިއެވެ.
މަކަރު ހެދުމާއި ގައްދާރުވުމަކީ ސިފަތަކެއްކަމަށް ވިދާޅުވެ ރައީސް މުއިއްޒަކީ މޫނު ނިވާކޮށްގެން ވެރިކަން ހޯދުމަށްޓަކައި މުޅި ރައްޔިތުންގެ އިތުބާރުގައި ކޮޅުފައިން ޖެހި ބޭފުޅެއްގެ ގޮތުގައި ޑރ. ޖަމީލްވަނީ ސިފަ ކުރައްވާފައެވެ.
އެގޮތުން ދިވެހިންނަށް މުއިއްޒުގެ މަކަރުވެރި އަޚްލާގު މިއަދު ކަށަވަރު ކަމަށް އެމަނިކުފާނު ވިދާޅުވިއެވެ. އަދި ވަޢުދުވުމާއި ބަހުގެ އިތުބާރު މިކަންތަކަކީ ދީނީގޮތުން ފުއްދަންޖެހޭ ކަމެއްކަން އޮޅިއްޖެކަމަށްވެސް ޑރ. ޖަމީލް ފާހަގަ ކުރެއްވިއެވެ.
