ޕީޕްލްސް ނޭޝަނަލް ކޮންގްރެސް ޕީއެންސީއަށް ވަގަށް މެމްބަރުން ވެއްދި މައްސަލަ އިލެކްޝަންސް ކޮމިޝަން އީސީން ނުބަލާ ފައިސާ ދޫކުރުމަށް ރާވަމުންދާކަމުގެ ހަބަރު ލިބޭ ކަމަށް ޕީޕަލްސް ނޭޝަނަލް ފްރަންޓް ޕީއެންއެފްގެ ސެކްރެޓަރި ޖެނެރަލް މުހައްމަދު މަލީހު ޖަމާލު ވިދާޅުވެއްެޖެއެވެ.

މަލީހު މިފަދައިން ވިދާޅުވެފައިވަނީ ކުރެއްވި އެކްސް ޕޯސްޓެއްގައެވެ.

އެއީ 30 މިލިއަން ރުފިޔާގެ ނެގުމުގެ ވިސްނުމެއްކަމަށް މަލީހު ވިދާޅުވެ އެކަމާއި ގުޅިގެންވަނީ ކަންބޮޑުވުން ފާޅު ކުރައްވާފައެވެ. އަދި އެއީ ރޯމާ ދުވާލު ކުރާ ވައްކަމެއްގެ ގޮތުގައި ތުހުމަތުކޮށް މިއަދު ޕްރޮސެކިއުޓަރ ޖެނެރަލް ޕީޖީ ކޮބައިތޯ މަލީހުވަނީ ސުވާލު އުފައްދަވާފައެވެ.

އެގޮތުން ރައީސް މުހައްމަދު މުއިއްޒު ވަގަށް ޕީއެންސީއަށް މެމްބަރުން ވެއްދި މައްސަލަ އީސީއިން ނުބަލާ އެމަނިކުފާނަށް ފައިސާ ދޫކުރުމަށް ރާވަމުންދާ ކަމުގެ ޚަބަރު ލިބޭކަމަށް މަލީހުވަނީ ވިދާޅުވެފައެވެ.

ޕީއެންސީއަށް ވަގަށް މީހުން ވެއްދިކަމުގެ އަޑުތައް ފެތުރިފާވާއިރު މިވަގުތު މެންބަރުން އެންމެ ގިނަ ސިޔާސީ ޕާޓީއަކީ ވެސް ޕީއެންސީ އެވެ. އެގޮތުން މިވަގުތު 68،968 މެންބަރުން ޕީއެންސީގައި އެބަ ތިއްބެވެ.