ރާއްޖޭގެ ބޮޑު ބަޔަކަށް މޫސުން ގޯސްވާނެ ކަމަށް ލަފާކޮށް، މޫސުމާ ބެހޭ ޤައުމީ އިދާރާ ( މެޓް އޯފީސް) އިން ހުދު ސަމާލުނެރެފިއެވެ.

މެޓްއިން ހުދު ސަމާލު ނެރެފައިވަނީ، ށ. އަތޮޅުން ފެށިގެން ފ. އަތޮޅަށެވެ. އެއީ މިއަދު ހަވީރު 4:30އިން ރޭގަނޑު 10:30 އާއި ހަމައަށެވެ.

މެޓް އޮފީހުން ހާމަކުރައްވާފައިވާ ގޮތުން، ގަޑިއަކު 19 މޭލާ 24 މޭލާ ދެމެދުގެ ބާރުމިނުގައި ވައިޖެހި ކަނޑުތައް ގަދަވާނެ ކަމަށް ލަފާކުރެވެއެވެ.

މީގެ އިތުރުން މިއަދު މޫސުމަށް ބަލާއިރު، ދެކުނުގެ ބައެއް ސަރަހައްދުތަކަށް ކެރީގެ އަސަރު ފޯރާނެ ކަމަށް ލަފާކުރެވެއެވެ. އަދި ގުގުރާނެ ކަމަށް ލަފާކުރެވޭ ކަމަށްވެސް މެޓުން ބުނެއެވެ.

މެޓް އިން ބުނީ އިރުއުތުރާއި އިރުން މެދުރާއްޖެތެރޭގެ އަތޮޅުތަކަށް ގަޑިއަކު 10 މޭލާއި، 20 މޭލާ ދެމެދުގެ ބާރުމިނުގައި ވައިޖެހޭނެ ކަމަށެވެ. އެހެން ހިސާބުތަކަށް ގަޑިއަކު 5 މޭލާއި 15 މޭލާ ދެމެދުގެ ބާރުމިނުގައި ވައިޖެހޭނެ ކަމަށް ލަފާކުރެވޭ ކަމަށްވެސް މެޓުން މައުލޫމާތު ދެއެވެ.

މީގެ އިތުރުންމެދުރާއްޖެތެރޭގެ ކަނޑުތައް އާދައިގެ ވަރަކަށް ގަދަވެ، އެހެން ހިސާބުތަކުގެ ކަނޑުތައް އާދައިގެ ވަރަކަށް މަޑުވާނެ ކަމަށްވެސް މެޓުން ބުނެއެވެ.

ކަނޑުދަތުރުކުރާ ފަރާތްތަކާއި އެހެނިހެން ފަރާތް ތަކުންވެސް މޫސުމަށް ސަމާލުވުމަށް މޫސުމާއި ބެހޭ އިދާރާއިން ވަނީ އިލްތިމާސްކުރައްވާފައެވެ.