ރައީސް ޑރ މުހައްމަދު މުއިއްޒު ވެރިކަމާއި ހަވާލުވެ ވަޑައިގަތުމަށްފަހު ވީ ވައުދުތަކުގެ މަތީން ހަނދައިން ނެތުމުން އެކަމާއި ގުޅިގެން ކުރީގެ ނައިބު ރައީސް ޑރ މުހައްމަދު ޖަމީލް އަހްމަދު ފާޑު ވިދާޅުވެއްޖެއެވެ.

ޑރ ޖަމީލް ރައީސް މުއިއްޒަށް ފާޑު ކިޔާފައިވަނީ ކުރެއްވި އެކްސް ޕޯސްޓެއްގައެވެ. އެ ޕޯސްޓުގައި ޗެނަލް13 އިން ގެނެސްދިން ވީޑިއޯއެއް އެޓެޗް ކުރައްވާފައިވާކަން ފާހަގަ ކޮށްލެވެއެވެ.

އެ ވީޑިއޯ އިން ފެންނަ ޑރ މުއިއްޒާއި އޭރު ވީ ވައުދުތައް މިއަދު ކޮބައިތޯވަނީ ޑރ ޖަމީލް ސުވާލު އުފައްދަވާފައެވެ. އެގޮތުން މި ވަރު ކަމެއްގައި ދޮގު ހަދައިފައި ހުރި ވެރިޔަކު ގާތިލަކަށް ވުރެ ނުބައިކަމަށް ޑރ ޖަމީލްވަނީ ފާހަގަ ކުރައްވާފައެވެ.

އެގޮތުން ރައީސް ޑރ މުއިއްޒު މާތް الله ތަޢާލާއަށް ބިރުނުގަނޭތޯ ސުވާލު އުފައްދަވާ އިންސާފު މުއިއްޒާއި އަރައި ހަމަ ކުރާނެކަމަށް ޑރ ޖަމީލްވަނީ ވިދާޅުވެފައެވެ.