ޑރ ޖަމީލު ނިއުސް ޓޯކު ޕްރޮގްރާމުގައި ވާހަކަ ދައްކަވަނީ / ތޭރަ އޮންލައިން
ސިޔާސީ
ގައުމުގެ މިސްރާބު ހުރީ ފުލް ގިއަރުގައި ޑިކްޓޭޓާރޝިޕަކާ ދިމާއަށް: ޑރ ޖަމީލު
Mariyam Isaadha
މަރިޔަމް އިސާދާ
13 ފެބްރުއަރީ 2025
މާލެ ސިޓީ

އަދު ރާއްޖޭގެ މިސްރާބު ހުރީ ފުލް ގިއަރުގައި ޑިކްޓޭޓަރޝިޕަކާ ދިމާއަށް ކަމަށް ރާއްޖޭގެ ކުރީގެ ނައިބު ރައީސް ޑރ މުހައްމަދު ޖަމީލު އަހުމަދު ވިދާޅުވެއްޖެއެވެ.

ޗެނަލް13ގެ ނިއުސް ޓޯކު ޕްރޮގްރާމުގައި ވާހަކަ ދައްކަވަމުން ޑރ ޖަމީލު ވިދާޅުވީ، މިއަދުގެ ރައީސުލްޖުމްހޫރިއްޔާ ހުރިހާ ބާރެއް އަތްޕުޅަށް ނަންގަވައިގެން ކުރައްވަމުން ގެންދަވަނީ ޚުދުމުހުތާރުވެރިކަމެއް ކަމަށާ އެގޮތުން ޕާޓީގެ ހުރިހާ ބާރަކާ މިނިވަން މުއައްސަސަތާކަށް ބޭފުޅުން އައްޔަންކުރުމުގެ ބާރާ ވެރިކަން ކުރުމުގެ ބާރާ އަދި ތރައްޔިތުންގެ މަޖިލީހުގެ މެމްބަރުންނަށް ނުފޫޒު ފޯރުވަން ބާރުތައް މުށުތެރެއަށް ނަންގަވައިގެން ރައީސް މުހައްމަދު މުއިއްޒު ހުންނެވިކަން ޑރ ޖަމީލު ފާހަގަކުރެއްވިއެވެ.

އަޅުގަޑަށް ގަބޫލުކުރެވެނީ މިއޮތީ ފުލް ފްލެޖު އިނގޭތޯ ހަމަ މައްޗަށް ގިޔަރު ނަގާ ޖައްސާފަ އިން ޚުދުމުހުތާރު ވެރިކަމަކަށް ހިފާފަ މިއޮތީ. އެހެން ނޫންނަނަމ ވެރިއަކަށް ހުންނަވާ ބޭފުޅަކު މި މިންވަރަށް ނުފުދިގެން އުޅޭކަށް ނުޖެހޭނެ. ވެރިކަމަކީ ވަރަސް ބައިވަރު މަސައްކަތް އޮންނަ ކަމެއް. ވެރިޔަކު ވިސްނައިގެން ނުވާނެ ތިމަންނަ އަތުގައި މަސައްކަތް މަދޭ. މި ދައްކަނީ ޔުނިޓަރީ ދައުލަތެއްގެ ރައީސުލްޖުމްހޫރިއްޔާގެ ވާހަކަ. ރާއްޖޭގެ ކިތައް ރަސް އެބައޮތް. ކިތައް އަތޮޅު އެބައޮތް. ކުރަން ޖެހޭ ކިހާ މަސައްކަތެއް އެބަ ހުރި. ކިހާ ބައިވަރު އިގްތިސޯދީ އިޝޫތައް އެބަހުރި. ކިތައް ރައްޔިތުންގެ ނުފުއްދޭ ކަންތައްތައް އެބަ ހުރި. ކިތައް ހާސް ވައުދު ވެއްޖެ. އެހެންވީމަ އެ ވެރިއެއްގެ އަތްޕުޅު މަތިގައި ބައިވަރު ކަންތައް ހުންނާނެ. އެ ވެރިމީހާ ކަންބޮޑުވުގެން ނުވާނެ އަމިއްލަ ޕާޓީގެ ސެކެރެޓަރީ ޖެނެރަލްކަން ނުކުރެވިގެން އެތާގަ ޗެއަރޕާސަން ވެސް ތިމަންނައޭ ސެނެޓަށް ނަގާ މީހުންވެސް ތިމަންނައޭ. އަދަދުވެސް ތިމަންނައޭ. އެތާގެ ޗެކުވެސް އިޝޫ ކުރެވޭނީ ތިމަންނަ ބޭނުންވީމައޭ. އެކަން ކުރައްވާފަ ދެން އައިއްސަ އަދި ރާއްޖޭގައި ދުސްތޫރީ ގޮތުން ހުރިހާ ދިމާއެއްގެ މުއައްސަސާތުގެ މީހުން އައްޔަންކުރާނެ ގޮތް ވަކިކުރާނެ ގޮތް ދާނޭ ގޮތް އެކަންކަން ނިންމާފަ އަދި ނުވިތާކަށް ރައްޔިތުންގެ މަޖިލީހަށް ވަޒީރަކު ގޮއްސިއްޔާ ކުރަންވީ ސުވާލު މެމްބަރުންނަސް ބުނެދީފަ. ދެން މިވަރުން ކިހިނެއް ގައުމު ހިންގަން ވަގުތު ހޯދާނީ

- ޑރ ޖަމީލު

ޑރ ޖަމީލު ވިދާޅުވީ، މިއަދު ރައްޔިތުން ނުކުމެ ހައްގު ބަސް ބުނަން ޖެހޭ ކަމަށާ ޚިޔާނާތްތެރިއަކު ގައުމުގެ ވެރިއަކަށ ްއިސްކުރެވުމުން ހެދުނު ގޯސް ރަގަޅުކޮށް ގައުމަށާ ރައްޔިތުންގެ ފައިދާއަށް ކަންކަން ހިންގަން މަސައްކަތްކުރަން ޖެހޭ ކަމަށެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved