އިލެކްޝަންސް ކޮމިޝަން އީސީން ޕާޓީތަކުގެ ދަފްތަރު އާންމުކޮށް ޝަކުވާއަށް ހުޅުވާލި މުއްދަތުގައި 700އެއްހާ ޝަކުވާ ހުށަހެޅިކަން ހާމަކޮށްފިއެވެ.
އީސީން މިކަން ހާމަކޮށްފައިވަނީ ދައުރު ނޫހަށް ހިއްސާކުރި ތަފާސްހިސާބުތަކުގައެވެ.
ދައުރުން ރިޕޯޓުކޮށްފައިވާ ގޮތުގައި އެގޮތުން ޝަކުވާއަށް ހުޅުވާލި މުއްދަތުގައި ޖުމްލަ 694 ޝަކުވާ އެ ކޮމިޝަނަށް ހުށަހަޅާފައިވާ އިރު އޭގެ ތެރެއިން 438 ޝަކުވާއާ އެކު އެންމެ ގިނަ އަދަދަކަށް ހުށަހަޅާފައި ވަނީ ވެރިކަން ކުރާ ޕާޓީ ޕީއެންސީއާ ގުޅޭ މައްސަލަތަކެވެ.
އިތުރު ޕާޓީތަކާ ގުޅޭ ގޮތުން ހުށަހަޅާފައިވާ ޝަކުވާގެ އަދަދުތަކުގެ ތެރޭގައި:
މި ހިސާބުތަކަކީ ވެރިކަމުގައި އޮތް ޕީއެންސީގެ ސަރުކާރަށް އަހަރު ފުރުނު ދުވަހު 75،000 މެންބަރުން ހަމަކުރުމަށް މިިދިޔަ އަހަރު ފަހުކޮޅު އެ ޕާޓީން ހިންގި މެމްބާޝިޕް ޑްރައިވްގެ ތެރެއިން ގިނަ އަދަދެއްގެ ބަޔަކު އެ ޕާޓީއަށް ވަގަށް ވެއްދި ކަމަށް ބުނާ މައްސަލަ ބޮޑުވެ އީސީއިން ޕާޓީތަކުގެ ދަފްތަރު މިދިޔަ މަހު 23ގައި އާންމުކޮށް، އެއްވެސް ޕާޓީއަކަށް ވަގަށް މީހަކު ވައްދާފައިވޭތޯ ބެލުމަށް ޝަކުވާއަށް ހުޅުވާލުމުން ލިބުނު ޝަކުވާތަކުގެ ތެރޭގައި ހިމެނޭ އަދަދެވެ.
ޕާޓީތަކުގެ ދަފްތަރު އާންމުކޮށް ޝަކުވާއަށް ހުޅުވާލި މުއްދަތު މިދިޔަ ހޯމަ ދުވަހަށް ހަމަވި ނަމަވެސް، މީހަކަށް ނޭނގި ޕާޓީއަކަށް ވާއްދާފައި އޮތް ނަމަ، އާންމު އުސޫލުން ކުރިއެކޭ ވެސް އެއްގޮތަށް އެފަދަ ޝަކުވާތައް އީސީއަށް ހުށަހެޅޭނެ ކަމަށް އެ ކޮމިޝަނުން ހާމަކޮށްފައިވެއެވެ.
