ޓެކްސީ ވިޔަފާރިއަށް ސަރުކާރުން ވަންނަންޖެހޭ އެއްވެސް ސަބަބެއް ނެތްކަމަށް ރައީސް ޢަބްދުﷲ ޔާމީން ޢަބްދުލްގައްޔޫމް ވިދާޅުވެއްޖެއެވެ.

ރައީސް ޔާމީން މިފަދައިން ވިދާޅުވެފައިވަނީ ބުރާސްފަތި ދުވަހުގެ ރޭ ޕީޕަލްސް ނޭޝަނަލް ފްރަންޓް ޕީއެންއެފްގެ ފްރަންޓް އޮފީސް ޖަލްސާގަައި ވާހަކަފުޅު ދައްކަވަމުންނެެވެ.

މިއަދު ދައުލަތުން ގެންދަނީ ރައްޔިތުންނަށް ގިނަ ދަތިތަކަކާއި ކުރިމަތި ކުރުވަމުންކަމަށް ވިދާޅުވެ ރައީސް ޔާމީންވަނީ ކަންބޮޑުވުން ފާޅު ކުރައްވާފައެވެ.

އަދި ދައުލަތުން ގެންދަނީ ވަޒީފާތައް އުފެއްދުމުގެ ބަދަލުގައި އަމިއްލަ މީހުން އާމްދަނީ ހޯދަން ކުރާ މަސައްކަތުގެ ތެރެއަށް ވަނުމަކީ ބަލައިގަނެވޭނެ ކަމެއް ނޫންކަމަށެވެ.

ސަރުކާރުން ޓެކްސީ ވިޔަފާރީގެ ތެރެއަށް ވަނުމުގެ ބަދަލުގައި ޓްރާންސްޕޯޓް މިނިސްޓްރީން ކޮށްދޭންޖެހޭ ކަމަކީ ޓެކްސީ ހިދުމަތުގެ ފެންވަރު ރަނގަޅު ކުރުން ކަމަށާ، ސަރުކާރުން އުޅެނީ އެތައް ބަޔަކު ބިކަކޮށްލައި މަގުމަތިކުރަން ކަމަށްވެސް ރައީސް ޔާމީން ވިދާޅުވިއެވެ.