ޑރ ޖަމީލު ޕީއެންއެފް ޖަލްސާގައި ވާހަަކަ ދައްކަވަނީ / ތޭރަ އޮންލައިން
ސިޔާސީ
އިޖްތިމާއީ ރައްކާތެރިކަމުގެ މައި ތަނބު ރައީސް މުއިއްޒު ރައްޔިތުންނަށް ކަށަވަރު ކޮށްނުދެއްވާ: ޑރ ޖަމީލު
Mariyam Isaadha
މަރިޔަމް އިސާދާ
20 ފެބްރުއަރީ 2025
މާލެ ސިޓީ

އިޖްތިމާއީ ރައްކާތެރިކަމުގެ މައި ތަނބު ރައީސް މުހައްމަދު މުއިއްޒު ރައްޔިތުންނަށް ކަށަވަރު ކޮށްނުދެއްވާ ކަމަށް ރާއްޖޭގެ ކުރީގެ ނައިބު ރައީސް ޑރ މުހައްމަދު ޖަމީލު އަހުމަދު ވިދާޅުވެއްޖެއެވެ.

ޑރ ޖަމީލު މިފަދައިން ވިދާޅުވެފައިވަނީ ޕީއެންއެފްގެ ޖަލްސާގައި ވާހަަކަ ދައްކަވަމުންނެވެ.

ޑރ ޖަމީލު ވިދާޅުވީ، ރައީސް މުއިއްޒު ރައްޔިތުންނަށް ވީ ވައުދުތަކުގެ ތެރޭގައި އިޖްތިމާއި ރައްކާތެރިކަމާ ސީދާ ގުޅުން ހުރި ވައުދުތައް ހިމެނޭ ކަމަށެވެ. އެގޮތުން ޑރ މުއިއްޒު ވެވަޑައިގެންނެވި އިޖްތިމާއީ ރައްކަތެރިކަމުގެ އަސާސްގެ ތެރޭގައި ހިމެނޭ ބޯހިޔާވަހިކަމުގެ ވައުދު ހިމެނޭއިރު، ރައީސް މުއިއްޒުގެ ސަރުކާރުން ރައްޔިތުންގެ ބޯހިޔާވަހިކަމަށް ސިމެންތި ގަލެއްވެސް ބާއްވާދީފައިނުވާކަމަށެވެ.

މީގެ އިތުރުން ގިނަ ރައްޔިތުން ވެސް ގެންދަނީ އެ ރައްޔިތުންގެ ބޯހިޔާވަހިކަމާ މެދު މިސަރުކާރުން ބޭއިންސާފުވެފައިވާ ކަމަށް ބުނަމުންދާކަން ވެސް ޑރ ޖަމީލު ވިދާޅުވިއެވެ.

ޑރ ޖަމީލު އިތުރަށް ވިދާޅުވީ، މިއަދު ރައީސް މުއިއްޒުގެ ސަރުކާރާ މެދު ރައްޔިތުންގެ އޮތީ ހުސް ޝަކުވާ ކަމަށާ މިއަދު އިންސާފުވެރި ބަދަލު ރައްޔިތުންނަށް ލިބިދާނެކަމުގެ އެއްވެސް ޔަގީންކަމެއް ރައްޔިތުންގެ ނެތް ކަމަށެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved