"ބުނި ބަސް" ސެގްމެންޓްގައި މިއަދު މިބަލާލަނީ 06 އެޕްރީލް 2018 ވަނަ ދުވަހު މިހާރު ރައްޔިތުންގެ މަޖިލީހުގެ މެޖޯރިޓީ ލީޑަރު އިބްރާހީމް ފަލާހު ދެއްކެވި ވާހަކަފުޅަކަށެވެ.

ޖުމްހޫރީ ޕާޓީގެ ލީޑަރު ގާސިމަކީ ދަރައި ހުސްވެފައި ހުންނެވި ބޭފުޅެއް ކަމަށާއި އޭނާގެ މައްސަލައެއް ނެތް ކޯޓެއް މި ސަރަހައްދުގައި ވެސް ނެތް ކަމަށް ފަލާހް 2018 ވަނަ އަހަރުގެ އެޕްރީލް ހަ ވަނަ ދުވަހުގެ ރޭ ވިދާޅުވި އެވެ.

ޕީޕީއެމުން ލ. ގަމުގައި "މިތިބޫ ރައީސް ޔާމީނާ އެކު" ގެ ނަމުގައި ބޭއްވި ޖަލްސާގައި ފަލާހު ވިދާޅުވީ ގާސިމަކީ ސަރުކާރަށް އެތައް މިލިއަން ރުފިޔާއަކުން ދަރާފައި ހުންނެވި ބޭފުޅެއް ކަމަށެވެ.

ފަލާހު އެދުވަހު ވިދާޅުވީ ގާސިމްގެ މަ މައްސަލަތަކާ ހެދި ގާޒީންނަށް ޗުއްޓީ ނެގޭކަށް ނެތް ކަމަށާއި ގާސިމް ދައްކަން އެތައް ސަތޭކަ މިލިއަން ޑޮލަރެއް. އެބައޮތް ކަމަށެވެ.

މިހާރު އިނގުރައިދޫ ދާއިރާގެ މެންބަރު ފަލާހް ވިދާޅުވި ގޮތުގައި ގާސިމްގެ އެފަދަ މައްސަލަތަކެއް ހުރުމުން މިހާރު މަސައްކަތް ކުރައްވަނީ ސަރުކާރުތަކުގެ އިސް ވެރިންނަށް ގުޅުއްވައިގެން ގުޅުން ބަދަހި ކުރައްވަން ކަމަށެވެ.

ނަމަވެސް މިއަދު "ވަމުންދާގޮތް" ބައްލަވާށެވެ. ފަހާހު "ބުނި ބަސް" ދިމަލެއްނުވި އެވެ.! މިއަދު ގާސިމް އެންމެ ގުޅުން ބަދަހިކޮށް މި އޮތީ ފަލާހު ހިއްސާއޮތް ރައީސް މުއިއްޒުގެ ސަރުކާރާ އެވެ. ގާސިމުގެ ލޯނުތަކާއި ދަރަނީގެ ވާހަކަ އޮބި ފަލާހް އަގަ ބަންދު ވެއްޖެ އެވެ.