އިނގުރައިދޫ ދާއިރާގެ މެމްބަރު އިބްރާހީމް ފަލާހާއި ފޮރިން މިނިސްޓަރު ޑރ އަބްދުﷲ ހަލީލް ފަދަ ބޭފުޅުންނަކީ ފައިސާގެ އަޅުންކަމަށް ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެއްޖެއެވެ.

ރައީސް ޔާމީން މިފަދައިން ވިދާޅުވެފައިވަނީ ޕީޕްލްސް ނޭޝަނަލް ފްރަންޓް (ޕީއެންއެފް)ގެ ފްރަންޓް އޮފީސް ޖަލްސާގައި ވާހަކަފުޅު ދައްކަވަމުންނެވެ.

މިހާރު ފަލާހު އާއި ހަލީލު ފަދަ ބޭފުޅުންނަކީ ޕީޕިއެމް ހެދިގެން އުޅުނު ނަމަވެސް ޕީޕީއެމް މީހުން ނޫންކަމަށް ރައީސް ޔާމީންވަނީ ވިދާޅުވެފައެވެ. އަދި ފަލާހާއި ހަލީލަކީ ވެރިކަން ބަދަލުވުމުން ޖުމްހޫރީ ޕާޓީއަށް ދިޔަ މީހުންކަމަށްވެސް ފާހަގަ ކުރެއްވިއެވެ.

މީގެ އިތުރުން މިހާރު ޕީއެންސީގެ ވެރިކަމެއް އައުމުން ނަފްސު ވިއްކާ ޕީއެންސީއަށް ބަދަލުވެފައިވާ ކަން ވެސް ރައީސް ޔާމީން ފާހަގަކުރެއްވިއެވެ.

އެގޮތުން މި ދެ ބޭފުޅުންނަކީ އަމިއްލަ މަންފާއަށް މަސައްކަތް ކުރާ ބޭފުޅުންގެ ގޮތުގައި ރައީސް ޔާމީންވަނީ ސިފަ ކުރައްވާފައެވެ.

މީގެ އިތުރުން މި ދެ ބޭފުޅުން ގައުމަށްވެސް ކޮށްދެވައިފައިވާ ހިދުމަތްތަކާއި މެދު އެމަނިކުފާނުވަނީ ސުވާލު އުފައްދަވާފައެވެ.