ރައީސް ޑރ މުހައްމަދު މުއިއްޒު 3 ބާރު އެއްކުރުމަށް މަސައްކަތް ކުރައްވާތީ އެކަމާއި ގުޅިގެން ކުރީގެ ނައިބު ރައީސް ޑރ މުހައްމަދު ޖަމީލު އަހްމަދު ފާޑު ވިދާޅުވެއްޖެއެވެ.
ޑރ ޖަމީލް ރައީސް މުއިއްޒަށް ފާޑު ވިދާޅުވެފައިވަނީ އެކްސްގައި ކުރެއްވި ޕޯސްޓެއްގައެވެ.
އެ ޕޯސްޓުގައި އެޑޮލްފް ހިޓްލަރުގެ ފޮޓޯއެއް ހިއްސާކޮށްފައިވެއެވެ. އެގޮތުން ޑރ ޖަމީލް ގަބޫލު ކުރަައްވާ ގޮތުގައި ރައީސް މުއިއްޒާއި ހިޓްލަރުގެ އަމަލުތަކާއި ތަފާތެއް ނެތްކަމަށް ބެލެވެ އެވެ.
މިއަދު ރައީސް މުއިއްޒަށް އެމަނިކުފާނަކީ 3 ބާރުގެ ވެރިމީހާކަމަށް ހީފުޅު ކުރައްވާކަމަށް ޑރ ޖަމީލްވަނީ ފާހަގަ ކުރައްވާފައެވެ.
އަދި މި ސަރުކާރު ނިކަމެތިވެ ވެރިކަން ނިމުމަށް މާތް ﷲގެ ތަގުދީރުން ނަގާނީ ފަޅި ސިކުންތެއްކަމަށް ޑރ ޖަމީލްވަނީ ފާހަގަކުރައްވާފަ އެވެ.
އެގޮތުން އޭޝިއާ އިން އެންމެ ފަހުން ފެނިގެން ދިޔައީ ބަންގްލަދޭޝްގެ ކުރީގެ ބޮޑު ވަޒީރު ޝޭޙް ޙަސީނާގެ ނިމުންކަމަށާއި އަދި ރާއްޖޭގައި މަސައްކަތް ފެށުނީކަމަށް އެމަނިކުފާނު ވިދާޅުވި އެވެ.
