

ދިވެހިރާއްޖޭގެ ސުޕްރީމު ކޯޓުން ރައީސް އަބްދުﷲ ޔާމީންގެ ކެންޑިޑެންސީއާ މެދު އިންސާފުވެރި ހުކުމެއް އިއްވި ނަމަ މިއަދު އެ ކޯޓުގެ ފަނޑިޔާރުންނަށް ނުފޫޒު ނުފޯރީސް ކަމަށް ޕީއެންއެފްގެ އިސް ސަފުގައި މަސައްކަތްކުރައްވާ މުހައްމަދު އަހުމަދު ވަހީދު ވިދާޅުވެއްޖެއެވެ.
ވައްޑެ މިފަދައިން ވިދާޅުވެފައިވަނީ އެންޓި ކޮރަޕްޝަން ކޮމިޝަނުްނ ސުޕްރީމު ކޯޓުގެ 3 ފަނޑިޔާރެއްގެ މައްސަލަ ބަަލަމުންދާކަމަށް ޝާއިއުކޮށްފައިވާ ހަބަރެއް ހިއްސާ ކުރައްވާ އެކްސްގައި ކުރެއްވި ޕޯސްޓެއްގައެވެ.
ރައީސް އަބްދުﷲ ޔަމީން އަބަދުވެސް ވިދާޅުވާ ވާހަކެއް ހަނދާނަށް ގެނެސް ވައްޑެ ކުރެއްވި އެކްސް ޕޯސްޓުގައި ވިދާޅުވީ ގައުމުގައި ނެތް މިނިވަންކަމެއް ފަރުދަކަށް ނުލިބޭނެކަމަށް ރައީސް ޔާމީން އަބަދުވެސް ވިދާޅުވާ ކަމަށެވެ. ކަންއެހެން އޮތްއިރު، ސްޕްރީމް ކޯޓުން ކުރި ހުކުމަކުން އެމަނިކުފަނުގެ ކެންޑިޑޭންސީ ގެއްލުވާލިކަން ހަނދާނަށް ގެނެސް ވައްޑެ ވިދާޅުވެފައިވަނީ އެދުވަހު އިންސާފުވެރި ޝަރީއަތެއް ސުޕްރީމު ކޯޓުން ކުރެއްވިނަމަ މިއަދު ބާރުތައް ނަހަމަ ގޮތުގައި ބޭނުން ކޮށް ސުޕްރީމު ކޯޓުގެ ބާރު ކަޑުވާލައި ފަނޑިޔާރުންގެ މައްޗަށް ޖިނާއީ ތަހުގީގެއް ހިންގަން ރައީސް ޑރ މުހައްމަދު މުއިއްޒަށް ފުރުސަތެއް ލިބިވަޑައިނުގެންނެވީސް ކަމަށެވެ.
ރައީސް @prz_ymn އަބަދުވެސް ވިދާޅުވާ ވަހަކެއް ގައުމުގަ ނެތް މިނިވަންކަމެއް ފަރުދަކަށް ނުލިބޭނެއޭ! އިއްޔެ ސްޕްރީމްކޯޓުން ކުރި ހުކުމަކުން އެމަނިކުފަނުގެ ކެޑިޑޭންސީ ގެއްލުނީ! އެދުވަހު އިންސާފުވެރި ޝަރީއަތެއް ކުރެއްވިނަމަ މިއަދު ބާރުތަށް ނަހަމަގޮތުގައި ބޭނުން ކޮށް ސކގެ ބާރު… pic.twitter.com/K78XHq0BZo
— WADDE 🇲🇻 (@wadde_mv) February 26, 2025
އެންޓި ކޮރަޕްޝަން ހުރި ރައީސް މުއިއްޒުގެ މައްސލަތައް އިންސާފުވެރިކަމާއި، މިނިވަންކަމާއިއެކު މިއަދުވެސް ބަލައިފިނަމަ އުމުރުގެ ބާކީބައި އެމަނިކުފާނު ހޭދަކުރަން ޖެހޭނީ ޖަލުގައިި ކަން ޔަގީންވާ ކަމަށް ވިދާޅުވެ ވައްޑެ އިތުރަށް ވިދާޅުވީ މިރާއްޖެ ރަނގަޅު ކުރެވޭނީ ރައީސުލްޖުމްހޫރިއްޔާއަށް ވުރެ މިގައުމު މާބޮޑުކަން ބަހާއި، އަމަލުން ވެސް ދައްކާދޭނެ ވެރިން ދައުލަތުގެ 3 ބާރަށް ވެސް އިސްކުރެވިގެންކަމަށެވެ.
އެގޮތުން ވައްޑެ ވަނީ ރައީސް ޔާމީންގެ ކުރު ފަސް އަހަރު އެމަނިކުފާނު ދައުލަތް ހިންގީ ބާކީ ދެ ބާރުގެ މައްޗަށް ނުފޫޒު ފޯރުވުމެއްނެތިކަމާ އެމަނިކުފާނުގެ ޒަޢާމަތަކަށް ދިވެހީން ތިބީ ކެތްމަދުވެފައިކަމަށް ވެސް ވިދާޅުވެފައެވެ.