ރައީސް ޑރ މުހައްމަދު މުއިއްޒު ހުވަޔާ ޚިލާފުވެވަޑައިގަންނަވަމުން ެގންދަވާތީ ކުރިގެ ނައިބު ރައީސް ޑރ މުހައްމަދު ޖަމީލު އަހުމަދު އެ ހުވާގެ ރައީސް ޑރ މުހައްމަދު މުއިއްޒަށް ހަނދާން އައު ކޮށްދެއްވައިފިއެވެ.
ޑރ ޖަމީލު މިފަދައިން ހަދުމަކޮށް އަރުވަފައިވަނީ ޕީއެންއެފުން ބުރާސްފަތި ދުވަހުގެރޭ ބޭއްްވި ޖަލްސާގައި ވާހަކަފުޅު ދައްކަވަމުންނެވެ.
އެގޮތުން ރައީސް ޑރ މުހައްމަދު މުއިއްޒު ވެރިކަމާ ހަވާލުވެވަޑައިގެން ހުންނެވީ ތިން ބާރު ވަކިވެފައިވާ ރިޔާސީ ނިޒާމެއްގެ ތެރެއިން ކަމަށް ވީ ހިނދު އެމަނިކުފާނުގެ މުށު ތެރެއަށް މަޖިލިސް ގެންނަވާ މިނިވަން މުއައްސަސާތަކުގެ ވެރިންނަކީ ވެސް އެމަނިކުފާނު އައްޔަންކުރާ ބަޔަކަށް މިހާރު ހައްދަވާފައިވާއިރު އެންމެ ފަހުން އެމަނިކުފާނު ދިމާކުރައްވާފައި އެ ހުންނެވި ގައުމުގެ ފަނޑިޔާރު ގެތަކުގެ ބާރުވެސް އަތްޕުޅަށް ނަންގަވައި މިޅު ގައުމުގެ ހުރިހާ ބާރެއް އެމަނިކުފާނު ހިތު ހުރި ގޮތަކަށް ފޭރާން ހެޔޮވަރު ކުރުމަށް ކަމަށް ޑރ ޖަމީލު ވިދާޅުވިއެވެ.
ނަމަވެސް ދިވެހި ރާއްޖޭގެ ގާނޫނު އަސާސީގެ ޖަދުވަލު އެކެއްގައި ރައީސުލްޖުމްހޫރިއްޔާގެ ހުވާގެ ގޮތުގައި ބަޔާން ކުރައްވާފައިވާ ހުވާގައި ރައީސް މުއިއްޒުގެ ދައުރު ވަރަސް ސާފުކޮށް ޞަރީހަ އިބާރާތުން އޮތް އިރު ރައީސް މުއިއްޒު އަމަލުފުޅުކުރައްވަމުން ގެންދަވަނީ އެ ހުވަޔާ މުޅިން ޚިލާފަށް ކަމަށްވާތީ ޑރ ޖަމީލު ވަނީ ޑރ މުއިއްޒަށް އެ ހުވާ ހަނދުމަ އައު ކޮށްދެއްވާފައެވެ.
ޑރ ޖަމީލު އިތުރަށް ވިދާޅުވީ، ފަނޑިޔާރުގެތަކާ ކުޅުމުން ވެރިކަން ތަކަށް ވި ގޮތް މާޒީން ފެންނަން އޮތް އިރު އެކަމުންވެސް ޑރ މުއިއްޒު އިބްރަތް ހާސިލްކުރައްވަން ޖެހިވަޑައިގަންނަވާ ކަމަށެވެ.
