ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ބޯޑުގެ ޗެއާމަންގެ މަގާމަށް މިދިޔަ ނޮވެމްބަރު މަހު އައްޔަންކުރި އަހުމަދު ނާސިފު، ވޭސްޓް މެނޭޖްމަންޓު ކޯޕަރޭޝަން (ވެމްކޯ) ގެ ބޯޑުގެ ޗެއާމަންގެ މަގާމަށް ބަދަލުކޮށްފި އެވެ.

ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)ން ބުނީ އެޗްޑީސީގެ ޗެއާގެ މަގާމުން ވަކިކޮށް ނާސިފް ވެމްކޯއަށް ބަދަލުކުރީ މިއަދު ކަމަށެވެ. ނަމަވެސް އެޗްޑީސީން ނާސިފު ވަކިކުރި ސަބަބެއް ނޭނގެ އެވެ.

ނާސިފް އެޗްޑީސީގެ ޗެއާއަކަށް އައްޔަންކުރީ މިދިޔަ ނޮވެމްބަރު މަހު އެވެ. ނާސިފްވަނީ ރައީސް އަަބްދުﷲ ޔާމީންގެ ވެރިކަމުގައި އެޗްޑީސީގެ މެނޭޖިން ޑިރެކްޓަރުކަން ކުރައްވައިފަ އެވެ. އަދި ކުރީގެ ތިލަފުށި ކޯޕަރޭޝަނުގެ މެނޭޖިން ޑިރެކްޓަރުކަން ވެސް އޭނާ އަދައިކުރެއްވި އެވެ.