ރައީސް ޑރ މުހައްމަދު މުއިއްޒުގެ ކެބިނެޓުގެ ތެރެއިން އެމަނިކުފާނަށް އެންމެ ބޮޑެތި އަވާމެންދުރު ދައްކާ މިނިސްޓަރަކީ އިކޮނޮމިކް މިނިސްޓަރު މުހައްމަދު ސައީދުކަމަށް ކުރީގެ ނައިބު ރައީސް ޑރ މުހައްމަދު ޖަމީލް އަހްމަދު ވިދާޅުވެއްޖެއެވެ.

ޑރ ޖަމީލް މިފަަދައިން ވިދާޅުވެފައިވަނީ އެކްސްގައި ކުރެއްވި ޕޯސްޓެއްގައެވެ. ޑރ ޖަމީލްގެ ޕޯސްޓުގައިވަނީ މިނިސްޓަރު ސައީދަށް ވަރަށް ބޮޑަށް ފާޑު ވިދާޅުވެފައެވެ.

އެގޮތުން ޕޭޕަލްއިން ފެށި ދަތުރަ ހިސާބުން ގޮސް ބަންކަރިންގެ ބިޔަ ޕްރޮޖެކްޓް އަދި ޑިވަލޮޕްމަންޓް ބޭންކް ބޭންކު މިހާރު ރޯދަމަހަށް ތަކެތީގެ އަގުން ދިން ބޮޑު ހަދިޔާގެ ވާހަކަ ޑރ ޖަމީލު ވަނީ މަޖާޒީ ގޮތަކަށް ފާހަގަކުރައްވާފައެވެ.

އެގޮތުން މީހަކަށް ދޫ ކުރާނެ މީހަކު ސަރުކާރުގައި ނެތް ކަމާއި ނަންވާނީ ކުރީގެ ޓުއަރިޒަމް މިނިސްޓަރު އިބްރާހީމް ފައިސަލްކަމަށް ޑރ ޖަމީލް ވިދާޅުވިއެވެ.

ހަމައެހެންމެ ރައީސް ޑރ މުއިއްޒުގެ ކެބިނެޓުގެ ތެރެއިން އެމަނިކުފާނަށް އެންމެ ބޮޑެތި އަވާމެންދުރު ދައްކާ މިނިސްޓަރަކީ އިކޮނޮމިކް މިނިސްޓަރު ސައީދުކަމަށް ޑރ ޖަމީލް ފާހަގަ ކުރެއްވިއެވެ.