ރައީސް ޔާމީން / ތޭރަ އޮންލައިން
ސިޔާސީ
ފަނޑިޔާރުންނަށް ރައިޓް އޮފް ޑިފެންސް ނުދީ ސަސްޕެންޑްކުރުން ބަލައިނުގަނެވޭނެ: ރައީސް ޔާމީން
Mariyam Isaadha
މަރިޔަމް އިސާދާ
06 މާރިޗު 2025
މާލެ ސިޓީ

ސުޕްރީމު ކޯޓުގެ ފަނޑިޔާރުންނަށް ރައިޓް އޮފް ޑިފެންސް (ޖަވާބުދާރީވާން ފުރުސަތު) ނުދީ ސަސްޕެންޑްކުރުން ބަލައިނުގަނެވޭނެ ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.

އެމަނިކުފާނު މިފަދައިން ވިދާޅުވީ ޕީއެންއެފުން ބޭއްވި ޖަލްސާއެއްގައި، ސުޕްރީމު ކޯޓުގެ ބެންޗާ ކުޅެން މި ސަރުކާރުން އުޅޭ އުޅުމަށް އިޝާރާތްކުރައްވާ ދެއްކެވި ވާހަކަފުޅުގައެވެ.

ރައީސް ޔާމީން ވިދާޅުވީ އަދުލްގެ ނިޒާމު އޮންނަ ގޮތުން ކޯޓަށް މައްސަލައެއް ހުށަހެޅުމުން ދައުވާ ރައްދުވާ ފަރާތަށްވެސް ދައުވާއަށް ތައްޔާރުވާން ފުރުސަތު ދޭ ކަމަށަ އެގޮތުން ވަކީލަކު ނެތް މީހަކަށް ވަކީލަކު އައްޔަންކުރަން ވެސް މުއްދަތި ދޭ ކަމަށެވެ.

ނަމަވެސް ސުޕްރީމު ކޯޓުގެ ފަނޑިޔާރުން ސަސްޕެންޑްކުރުމަށް އަވަސް އަރުވާލާ ޖޭއޭސްސީއިން ސަރުކާރުގެ ބަހަށް ބޭއްވި ޖަލްސާގައި ފަނޑިޔާރުންނަށް ތައްޔާރުވާން ފުރުސަތުވެސް ނުލިބޭ ކަމަށާ ދެއްވީ 13 މިނުޓުގެ ނޯޓިސްއެއްކަން ރައީސް ޔާމީން ވިދާޅުވިއެވެ. އަދި އެއީ ބަަލއިގަނެވޭނެ ކަމެއް ނޫން ކަމަށްވެސް އެމަނިކުފާނު ވިދާޅުވިއެވެ.

އަޅުގަޑު ދުށިން ހުސްނުއްސުއޫދާ މެދުގައި ޖޭއެސްސީއިން ކަންކުރަން އުޅެފައި ހުރި ގޮތް. ދެން އަޒްމިރަލްދާ ދެން މަހާޒު އިނގޭތޯ. މައުލޫމާތު ލިބިފައިވާ ގޮތުގައި މި ބޭފުޅުންނަށް ރައިޓު އޮފް ޑިފެންސެއް ނުދޭ. އެ ބޭފުޅުން ޑެލިބްރޭޝަންއެއް ފައްޓަވަނިކޮށް 13 މިނިޓުގެ ނޯތިސްއެއް ދިނީ. އެންމެ 13 މިިނިޓުގެ ނޯޓިސެއް ދިނީ. މި ދައްކަނީ ދިވެހިރާއްޖޭގެ ސުޕްރީމު ކޯޓުގެ ފަނޑިޔާރުންގެ ވާހަކަ. މީކީ ބަލައިގަނެވޭނެ ކަމެއް ނޫން. އެންމެ 13 މިނިޓުގެ ނޯޓިސެއް. އެބޭފުޅުންނަށް ނުއެއް ދަންނަވާ އެ ބޭފުޅުންނަށް ތައްޔާރުވާން އެއްވެސް ފުރުސަތެއް ނުދެއްވާ. މީ ކަންކުރަންވާ ގޮތެއް ނޫން.

- ރައީސް ޔާމީން

ރައީސް ޔާމީން އިތުރަށް ވިދާޅުވީ ސުޕްރީމު ކޯޓުގެ ފަނޑިޔާރުން ދޫ ނުދެއްވާ ގައުމާ ރައްޔިތުންގެ މަސްހަލަތު އިސްކުރައްވާ އިސްތިއުފާނުދިނުމަކީ އެމަނިކުފާނުގެ އެދިވަޑައިގަތުމެއް ކަމަށެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved